معروف ان البنات دايما بيتشفعوا بالقديس مار جرجس و القديس الانبا
موسى الاسود لما يركبوا التاكسي من منطقة بعيدة أو في وقت متأخر بليل -
و ده علشان
القديسان دول سراع الندهه
المهم .. كان في مرة بنت خرجت متأخرة من شغلها الموجود في منطقة بعيدة
في وقت متأخر بليل .. قعدت تصلي و تقول : يا انبا موسى الاسود ، يا مار جرجس
ابعتولي تاكسي لحسن الوقت اتأخر و انا تعبانة
شوية و فات تاكسي شاورت له .. وقف .. و ركبت ، و هي جوة التاكسي فضلت
تصلي و تتشفع بالقديسان دول علشان توصل بالسلامة
و فجأة لقت الراجل السواق اداها صورة الانبا موسى الاسود .. فسألته و
هي متحيرة : ايه ده ؟؟!! قالها : ده الانبا موسى .. انتي مش كنتي بتندهيله من
شويه !! وسط ذهول البنت شافت صورة مار جرجس متعلقة قدام السواق ( كانت فكراها صورة
مار جرجس )
فقالت للسواق حلوة أوي صورة مار جرجس دي .. قالها : لأ , دي مش صورة
مار جرجس دي صورة الامير تادرس ،
البنت قالت له : انا متأكده ان دي صورة مار جرجس ..
السواق قالها : قولتلك دي مش صورته .. أنا مار جرجس .. و دي صورة الامير تادرس
صلوا عنى
منتدى المعجزات
موضوع: تاكسى مارجرجس 
الجمعة يناير 25, 2008 5:13 pm
