الرئيسيةمكتبة الصورالتسجيلدخول

شاطر | 
 

 هو انا بجد حبيت؟الجزء الاول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mora4jesus
مشـــــرفة
avatar

عدد الرسائل : 135
العمر : 28
العمل/الترفيه : later
تاريخ التسجيل : 26/06/2008

مُساهمةموضوع: هو انا بجد حبيت؟الجزء الاول   السبت يونيو 28, 2008 8:20 pm

دايما بنسال نفسنا اذا كان دا حب ولا اعجاب ولا ايه بالظبط ولقيت موقع مسيحى شبابى بيتكلم ف الموضوع ده وحاطط 12اختباراللى من خلال الاجابه عليهم تقدر تعرف انت ماشى ف حدوتة اعجاب ولا حب
هاعرضلكم كل اسبوع اختبارين ماتحسوش بالملل من القرايه
بس ياريتتجاوب عليها بكل امانه بينك وبين نفسك
اذا كان حب اكتب (ح) واذا كان اعجاب اكتب (ا) وشوف ايه الحرف اللى هايسود ياترى ال(ا) ولا ال(ح)
نسيت اقولكم ان الاختبار ده للبنات والولاد طبعا





1-اختبار الوقت:
الحب بيستفيد ويكبر من خلال الوقت، أما الإعجاب فبيقل وينقص مع الوقت. ممكن الإعجاب ييجي فجأة وألاقي نفسي بفكر "بوم! أنا بحب" لكن دا مش حب لأن دا وقوع مفاجئ ودا يحصل في الإعجاب لكن الحب مش بينفع نقع فيه.. الشهوة يتوقع فيها، الإعجاب يتوقع فيه لكن الحب لأ لأن الحب لازم نكبر فيه مع الوقت وبصدق.
الحب بيتطور مع العلاقة والاهتمام، بيتطور مع صفات الشخصية الأساسية ومش من الإنبهار الفوري بالشخص التاني. ممكن الإعجاب يظهر في أي لحظة لكن الحب الحقيقي بياخد فترة وعلشان كدا بلاش تصرح/حي بحبك إلا بعد مرور فترة معقولة من الوقت.
هل بتحتفظ بكلمة الحب لشيء أفضل من مجرد المشاعر؟ تفتكر محتاج وقت قد أيه قبل ما يتعرف الحب بوضوح؟ لو لقيت نفسك واقع في الحب في أغلب الأوقات وفي فترات سريعة وبعدين تلاقي نفسك محبط يبقى ممكن الاختبار دا ينقذك من وجع القلب في المستقبل ويساعدك تعرف الحب الحقيقي
.



2-اختبار المعرفه:

الحب بيكبر من تقييم كل الصفات المعروفة للشخص التاني. ممكن الإعجاب ييجي من الإنبهار بصفة واحدة بس من الصفات المعروفة في الطرف التاني. وحاجه واحدة بس تظهر بعد كدا من الشخصية نفسها سواء تصرف أو أي رد فعل تلاقي إن كل الفكرة اللي كنت واخدها عنها/نه مشوهة جداً وتكتشف إنك مش عارف شخصية اللي معجب بيه أو فاكر نفسك بتحبه. بصراحة ممكن في لمحة أو لقاء صدفة إنه يحصل نوع من التحفز اللي يفجر الكيماويات جوانا لكن دا مش حب!!.
لو جربت تسأل اتنين مرتبطين أو حتى في فرحهم إنه كل واحد يديلك تعريف مفصل عن شريك حياته للأسف الإجابة هتكون كلام عايم مش محدد زي (دايماً بتحتويني)، (دمه خفيف).... وحاجات كتير من الكلام دا لأنهم اتشدوا لبعض وبس ولو سألتهم سؤال تاني انتو ليه ارتبطوا أو اتجوزتوا هتلاقي نفس الإجابات العايمة وللأسف برده نسبة قليلة جداً اللي هترد وتقول (لأننا بنحب بعض).
الإعجاب بيعيش في عالم مزيف بيكون فيه الشخص اللي بنحبه مزيف، مفيهوش عيوب، مش وراه غيرك.
الإعجاب بيكتفي بالقليل جداً أما الحب فدايماً مشتاق إنه يعرف اللي قدامه أكتر.
الحب دايماً عايز يدرس احتياجات، أحلام، رغبات، آمال الطرف التاني لأنه عايز يعمل كل اللي يقدر عليه عشان يحولها لواقع.
الحب مش بيهتم باللي ممكن يلاقيه لكن بيهتم باللي ممكن يقدمه.
الحب يشبه الدراسة في الجامعة أو المدرسة بيمسك الطرف التاني ويدرسه من أكتر من اتجاه وكل ما عرف عنه أكتر كل ما حب يتطور فيه أكتر.
طيب شايف نفسك تعرف الطرف التاني قد أيه؟ تقدر توصف الهدف الأساسي لحياته؟ تقدر تعدد 3 أهداف الطرف التاني عايز يحققهم في السنين اللي جايه؟ هل في أمنية معينه تتمنى إنه يوصل لها في وقت من الأوقات؟ طيب فكرت إزاي ممكن تساعده/ها على تحقيق الحلم دا؟
الإعجاب بيقرر أنه يعرف كل اللي محتاج يعرفة بسرعة أما الحب الحقيقي فبيخلق جو من الإهتمام فتلاقي الطرف التاني بيتفتح قدامك وبسهولة.



وبكده ابقى قدمت اول اختبارين استونينى الاسبوع الجاى بتانى اختبارين وياريت اعرف رايكم ايه ووصلتو لايه ف الاختبار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هو انا بجد حبيت؟الجزء الاول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشهيد العظيم مارجرجس :: المنتديات العامة :: ركن الاجتماعيات والشبابيات-
انتقل الى: