الرئيسيةمكتبة الصورالتسجيلدخول

شاطر | 
 

 بالتعليقات 20 جملة 95 % من الشباب بيقولوها للبنات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Nazeer gaied
خادم البستان
خادم البستان
avatar

عدد الرسائل : 363
العمر : 38
تاريخ التسجيل : 17/03/2008

مُساهمةموضوع: بالتعليقات 20 جملة 95 % من الشباب بيقولوها للبنات   السبت أكتوبر 11, 2008 11:39 pm

اهلا بيكم شباب منتدى الشباب

هى رسالة عن الشباب جاتلى على الاميل

وحبيت انقلها هنا فى قسم الشباب

ومش عارف انها متكررة ولا لا عشان مش بدخل منتدى الشباب كتير
بس عموما انا دورت فى الصفحة الاولى والتانية مش لقيتها

اتمنى تعجبكم

اخوكم \\ نظير جيد





عشرين جمله 95% من شباب مصر بيقولوها للبنات



1- حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )



2- يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)


3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )


4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)


5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )


6- يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)


7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)


8-هكلم باباكى اول ماكًون نفسى
(موووووووووووت يا حمااااااااااار)


9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)


10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه
المشروخه)


11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)


12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )


13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)


14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)


15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)


16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)


17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)


18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)


19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس
دقايق اللى نمتهم دوول؟دول من كتر التفكير فيكى جالى غيبوبه)


20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)







عشر جمل جداد الولد بيقولهم للبنت


بس لما يزهق منها وينفصل عنها لما يشوف واحده احلى منها


1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )


2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )


3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)


4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )


5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)


6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )


7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)


8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)


9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)


10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صوت كرباج
مشـــــرفة
avatar

عدد الرسائل : 966
تاريخ التسجيل : 10/03/2008

مُساهمةموضوع: رد: بالتعليقات 20 جملة 95 % من الشباب بيقولوها للبنات   الأحد أكتوبر 12, 2008 1:28 am


ههههههههههههههه

واللة حرام عليكم طب سيبونا علي عمانا

هههههههههه ميرسي ليك نظير والمفروض منأمنش

للجنس الاخر ولا لكلماتة ميرسي كتير

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eena2007
مشـــــرفة
avatar

عدد الرسائل : 416
العمر : 27
العمل/الترفيه : طالبه
تاريخ التسجيل : 16/06/2008

مُساهمةموضوع: رد: بالتعليقات 20 جملة 95 % من الشباب بيقولوها للبنات   الأحد أكتوبر 12, 2008 4:07 pm

هههههههههههههههههههههه

برافو انضم الى حزبنا ضيف جديد
ههههههههههههههههه
بجد مشاركه روعه وربنا يحمينا منهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت المخلص
مشـــــرفة
avatar

عدد الرسائل : 558
العمر : 29
العمل/الترفيه : student
تاريخ التسجيل : 13/07/2008

مُساهمةموضوع: رد: بالتعليقات 20 جملة 95 % من الشباب بيقولوها للبنات   الأحد أكتوبر 12, 2008 9:47 pm


ميرسى كــــــــتير

دى فعلا اللى بيحصل الايام دى

واهلا بيك فى قسم الشباب

القسم منور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
youstina
عضو جديد
عضو جديد
avatar

عدد الرسائل : 8
العمر : 27
العمل/الترفيه : student
تاريخ التسجيل : 28/07/2008

مُساهمةموضوع: رد: بالتعليقات 20 جملة 95 % من الشباب بيقولوها للبنات   الثلاثاء أكتوبر 14, 2008 12:29 pm

ههههههههههههه

لية بس الفضايح دية

بس متهيالى الكلام دة بقى مفئوس اوى دلوقتى والا فى بنات هبلة بتبقى عايزة تصدق بقى.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELROMANY
مشرف عام
avatar

عدد الرسائل : 811
العمر : 34
الموقع : WWW.ELROMANY.COM
العمل/الترفيه : ضابط بحرى على السفن الملاحيه التجاريه
تاريخ التسجيل : 27/09/2007

مُساهمةموضوع: رد: بالتعليقات 20 جملة 95 % من الشباب بيقولوها للبنات   الإثنين أكتوبر 27, 2008 2:58 am

بجد موضوع جميل جدا ربنا يباركك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://margerges.mam9.com/index.htm
NEW.HEART
خادمة منتدى الاطفال
خادمة منتدى الاطفال
avatar

عدد الرسائل : 16
العمر : 32
العمل/الترفيه : uhgn
تاريخ التسجيل : 21/07/2008

مُساهمةموضوع: رد: بالتعليقات 20 جملة 95 % من الشباب بيقولوها للبنات   الإثنين أكتوبر 27, 2008 5:05 pm

pirat pirat pirat [font=Arial black][/f

ههههههههههههههههههه

هو دة اللى بيحصل فعلا


ميرسى على الموضوع الحلو دة


ومنهم للة
[img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
esma3 serakhy
†+† عضو نشيط †+†
†+† عضو نشيط †+†
avatar

عدد الرسائل : 212
العمر : 30
تاريخ التسجيل : 27/11/2007

مُساهمةموضوع: رد: بالتعليقات 20 جملة 95 % من الشباب بيقولوها للبنات   الأربعاء أكتوبر 29, 2008 3:21 am

ايه ده ايه ده الموضوع ده اول مرة اقراه

بس بجد يانظير جيد الكلام ده اعرف انه هو فعلا اللى بيحصل
يالا ماعلينا يارب الكل يفهم بقى اللى بيتكلم بجد من اللى مش بيتكلم بجد
ميرسى كتير تسلم ايديك
وربنا يهدى اولاده اللى بيعملوا كده يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بالتعليقات 20 جملة 95 % من الشباب بيقولوها للبنات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشهيد العظيم مارجرجس :: المنتديات العامة :: ركن الاجتماعيات والشبابيات-
انتقل الى: