أنا عايز أرجع ومش عارف

[coانا عايز انضف ومش عارف انا عاوز اعيشلك ومش قادر ، انا مش خايف من الموت انا خايف من اللى بعد الموت ، انا مش امين فى حبك أنا امين فى خطاياى اكتر . ومش عارف اعمل حاجة انت عايزنى انا عارف بس انا وحش جدا وعنيد بس مش هاكون معاند اكتر من القديس بولس يعنى انت تقدر
تقدر تخلينى اكون ابن بجد ، فى ميلادك يارب عاوز اتولد معاك من جديد تقدر تعمل كده انا واثق بس ماليش ارادة ماليش رغبة فيك باهرب دايما منك انا متنجس من العالم دلوقت بقيت باحب الخطية وباطلبها ونسيت اسرارك فيا .
انا تعبان جدا من اللى بيحصل وحاسس ان كل ده موجه ليا انا علشان ارجع بس انا عارف نفسى كويس انا مش كويس أنا مش ابنك انا رفضت أبويتك بافعالى وكل ده انت منتظرنى انا بلاعذر انا عارف كده كويس وباحس أنى اكتر واحد أخد فرص وضيعها بجهله
طيب يارب ودلوقت انا اللى باطلب منكك وانا تعبان وقلبى تعب اكتر وبقيت تايه ومشتت ، انا عارف ان سيبتك ورحت الكورة البعيدة ومالاقتيش غير اكل الخنازير واكلته وماشبعتش الشبع كله بيك وفيك يارب اغسلنى بالزوفا ، قلبى عايز يتغسل وفكرى عاوز انضف انت القادر انك تعمل كده
وقف صراع الافكار جوايا ابويا يعقوب باركته عندما توقف صراعة مع تفسه ومعك وضربته على حق فخذه اعملها معايا بس انا خايف ان التجربة تكسرنى وفى نفس الوقت عارف ان قلبك قلب اب حنون ومش هاتخلينى اوصل لكده
امين
lor=red][/co lor]