الشباب بيحبو البنت فى الحالات التاليه ؟؟؟

رفعوا صوتكم يا بنات .
و أول ما تشوفى حاجه وحشة .. سورى (يغمى عليكى) من كتر الرقة
عيطى كتير . العياط دليل على الاحساس المرهف . أوائى له .. نكدى عليه
الليلة .

ثانيا الولد بيحب البنت الرومانسي

سبلى له .
اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة .
رابعا : الولد بيحب البنت الاستايل style

كل ما تشوفى حاجه جديدة قلديها . يقولوا الموضه الشعر الاصفر ..
اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى
يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و
قلديها .. خليكى نسخة منها .

خامسا :الولد بيحب البنت الدلوع
ادلعى ياختى انت و هى . ما تبقوش مسترجلين نفسكو كده .

سادسا : الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك
و جمالك .
سابعا : الولد بيحب البنت اللى بتحسسه برجولته و تحسسه
بنفسه

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول
مانتى قاعده اشكرى فيه خليه كده قاعد نافش ريشه . و فرحان بنفسه .
ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجة
. قابليه فى كل حته يروحها . إعملى عليه كماشة . بحيث مايعرفش يفلفص
منك و لا يشوفش غيرك ادامه . روحى له الشغل
اكبسى عليه مع السكرتيره .

تاسعا عددى مواهبك

اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده .
وبلون البيض المسلوق .
عاشرا رغم حبك الشديد للحريه والانطلاق
قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن

النتيـــــــــــجــة
لو الولد وقع فى دباديبك و قال عاوز يرتبط بيكى : اوعى تقولى ايوه !
لااااا .. اتقلى شوية . اعملى نفسك يتفكرى .. سهريه .. لوعيه ..
بهدليه .. لكن ماتتقليش العيار ليطير منك .
لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 10مع ولد تانى بعد جمع معلومات و عمل
تحريات عنه و التأكد من انه فاضى . غير مرتبط .. و ربنا يوفقك هما دول شباب الايام دى

Surprised

ده كده اسمه كدب ووهم وخداع

ميرسى الرومانى على الموضوع

غلط جدا

اجمل شئ ان البنت تكون على طبيتعها لو حب طبيعتها دى يبقى كويس
ولو حب يخطبها برضوا اهلها موجودين مش تعمل ده كله علشان ترتبط
بلاش منه ارتباط لو يجى بالطريقة دى لانه لما يكتشف حقيقتها هايكرهها جدا
ميرسى على الموضوع الرومانى
ربنا يبارك حياتك

عمر ما يبقا فية حب بالشكل دة

عمر ما التمثيل يجيب نتائج حب وزواج اكيد
انتا بتهرج

انا مش معاك روماني

فكرتك علي الشباب والبنات اليام دي غلط

لو انتا شوفت حاجه زي كده

يبقئ مش تحكم علي الكل

ولا تنظر في الكوب الفارغ

وصوابعك مش زي بعضها

ميرسي علي الموضوع
منتظرين المزيد

انا مش مصدقه خااااااااالص ان اللى كاتب الكلام ده ولد لانك اصلا عمرك ماهاتفكر ترتبط بواحده على طووووول بتمثل وبيبقو مكشوفين اوى ولو كنت بتصدق الطريقه يبقى (سورى يعنى) هاتاخد اكبر مقلب ف حياتك لان كل ده هايروح مع دوشه الارتباط والمسئوليه مش هاتفضل كده على طول يعنى وبعدين لو الشخص ده مش بيفكر فيها والله لو وقفت على دماغها كده مش هايعبرها ابدا ابدا

عمرها ما تتحسب كدا
الكدب والمظاهر الخداعة بتنتهى بسرعة
واهم حاجة فى المواضيع دى الصراحة
لكن لو كان تسلية بقا دى حاجة تانى

عارف لو نفذوا اللى انت بتقول عليه وفعلا ارتبطوا

هتبقى حياتهم متتوصفش
الانسان لازم يبقى على طبيعته
فى شباب بيحبوا البنت الجد العمليه وفى بيحب اللى بتهتم بيه ..............الخ
يعنى هتلاقى لكل انواع من البنات انواع الشباب اللى يحبوهم
يعنى مفيش داعى للتجمل
وعلى فكره اغلب الناس اللى تلاقيهم بعد الجواز مش مرتاحين فى حياتهم بيبقوا بسبب انهم كانوا فى طبيعه غير طبيعتهم ولكلن بعد الجواز خلاااااااااااااااااااااااص كل واحد رجع يتعامل بطبيعته وهنا بيحصل الصدام
لكن لو كلنا تعاملنا بطبيعتنا مش هيبقى فى صدام بإذن ربنا

ميرسى على الموضوع

بصراحة مش عارفة ارد اقول ايه
اصل البنت اللى تعمل كدة تكون سورى يعنى معندهاش كرامة اصلا
و مين الولد اللى يقبل بكدة
و لا وحدة زى دى
لالالالالالالالالالالالالالالالالالالالا
الكلام ده مش صح ابدا

» ماذا لو بدات البنت؟
» هل الولد ام البنت اكثر تلاعب بالمشاعر؟؟؟؟؟؟؟
» قصة البنت اللي اتاخنق عليها الرجالة
» الشباب والعاطفه....
» تحبى تحمى نفسك من كلمة البنت الغبية!!!!!