فكروا كويس قبل ما تتجوزو

واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

قزم اتخانق مع مراته زعلت منه حطت جذمته فوق التلفزيون وخرجت

واحد تخين أتجوز واحدة تخينة خلفوا ولد سموه مين يشيلوه

واحد راكب عربية هو مراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لاانت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كام اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالال اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لما بيكون سكران بس!

واحد حسودي على فراش الموت قال لمراته إذا مت اتجوزى جارنا محمود قلت ليه قال لأنه مره باعلي بضاعة وغشني فيها.

مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله

مرة واحدة أتجوزت سباك حصل خلاف بينهم ضربها بالكوع عملها كسر في الحوض

واحد ماشي في جنازة مراته وهو بيضحك بيسألوه بتضحك ليه قال لهم دي اول مرة في حياتي اعرف مراتي رايحة فين !؟

كان مره واحد جزار راح يخطب ابو العروسه قال له المهر خمسون الف جنيه قال له الجزار ليه الكيلو بكام

واحدة رايحه تخطب لابنها، سألتها العروسة "ابنك بيدخن" ؟ قالت" ... .والله ما أظنش بس يمكن لما بيكون سكران يدخن

ابو العربى وام العربى كانو نايمين فسمعوا واحد حرامى ام العربى بتقول لابو العربى قوم فى واحد حرامى قال لها قومى انتى الة يكون الحرامى دة واحدة ست

الزوج: انا لازم أوريلك شغلك انا كنت سايب هنا ثلاثين جنية ازاى ارجع القيهم عشرة بس؟
الزوجة: معلش اصل الدنيا كانت ضلمة مشفتهاش!

مرة واحد بيقول لواحد صاحبه: الحق التعبان دخل اودة حماتك
قاله سيبه يستاهل

دخل الموظف الي مكتب المدير فجاه فوجده مع السكرتاريه في حاله غراميه فقال له
المدام بتاعتك بره اقول لها انك في اجتماع مجلس اداره بتنظروا في اعطائي علاوه ولا اقول الحقيقه

فترة الخطوبه هو يتكلم وهي تسمع وبعد شهر العسل هى تتكلم وهو يسمع وبعد اول سنه جواز الاتنين يتكلمو وامة لا اله الا الله هي الي تسمع.

ليه الأهبل لما بيتخانق مع مراته بيخلع الساعة من يده ؟؟؟؟؟؟؟؟ علشان ما تقولش يلعن الساعة اللي اتجوزتك فيها...

فيه ارنب اتجوز سلحفه و فى وقت العشاء ارسلها لاحضار الطعام فخرجت وغابت 6 سنين وبعد 6 سنين خرج يبحث عنها فوجدها لسه فى اخر الشارع فقال لها بقى انا ابعتك تجيبى الاكل تغيبى 6 سنين فقالت له انت هتسكت ولا والله منا رايحه

مرة واحدة وحشة بتقول لجوزها عمرك مقلتلى كلمة تهزنى قالها زلزال

في زوج كل ما يتخانق مع مراته تلاقيه واقف فوق الكنبة. ليه؟عشان يقول لها يا واااااااااااطيه

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى جوازكوا الخمسة و عشرين توديها الصين، أومال فى عيد جوازكوا الخمسين هتعمل ايه؟" فقالوا "هروح اخدها"

مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى

واحد مشغول اتجوز واحدة مشغولة خلفوا ...عيل مش فاضيلهم

مرة اتنين لسة متجوزين جديد وخرجين ومشين على الكورنيش الزوج:شايفة القمر يا قمرايا الزوجة :شايف النيل يا منيل

مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!

مرة واحد نازل من بيتة عمال بيصرخ ويزعق وبيقول ألحقوني يا عالم ألحقوني يا ناس حماتي هترمي نفسها من الشباك ألحقوني بالأسعاف ألحقوني يا عالم ففي واحد صحبة سمعة وهو جاي من على أول الشارع فقلة أية في ايه أنتا بتزعق ليه قام صحبنا قاله حماتي هترمي نفسها من الشباك قام رادد عليه صاحبه وقاله وأنتا ايه أللي مزعلك قام قاله الشباك مش عايز يفتح

مرة واحد هو وابنه ميعرفوش هو ايه الاسنسير بس شايفين الحيطة عمالة تتفتح وتتقفل وهما مش فاهمين حاجة ...المهم جت واحدة عجوزة ظغطت على الزر اللي في الحيطة ودخلت الاسنسير وبعد شوية الاسنسير نزل وطلعت منه شابة جميلة فالراجل قال لابنه روح هات امك هنا

واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك بايه مش هتصدق انى مستنى القطر

واحده بتقول لزوجها الحق ماما جالها تسمم قالها يمكن بلعت ريقها ولا حاجه

مرة واحد بيسال مراته انتى بتحبينى اد ايه قالتله اد ما انت بتحبنى قالها وليه كده انا عملتلك حاجه لاسمح الله

واحده بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها رادد عليها : لازم عضت لسانها بالغلط ؟؟

واحد جدته عيانة و رافضه الاكل فسألها تاكلى مهلبية والا اتجوزك.. قالت له لأ يابنى المهلبية ناشفة على سنانى

واحدة بتقول لجوزها وهما نايمين بالليل قوم يابو حسين احسن في حرامية في البيت قالها لأ قومي انت لايكونوا ستات

واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عاريف ليه حاسيس انك نحس

حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

مره واحد بيقول لمراته اقولك نكته قالتله قول قالها نكته قالتله هيه بارد قالها هيه طالق

واحد قابل واحد بيجرى فى الشارع فساله بتجرى لية قالة حماتى اشتريت لها نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى

واحدة قابلت جارتها قالتله بقالى مدة مشفتكيش كل سنة وانتى طيبة بمناسبة رمضان ايه خير انتى لسة لابسة اسود ليه قالتلها اسكوتى مش عمك كان نفسه فى الكنافة اول يوم فى رمضان نزل يجيب قبل مايضرب المدفع ب 5 دقائق وهو ماشى راحت عربية خبطاه قالتلها وعملتى ايه قالتلها عملت قطايف

فية واحد كل مايجي ينام يقول لزوجتة اذا مت لاتزوجين الا ولد عمي (علي)وكل
يوم لما يجى ينام يقول نفس الكلام استغربت زوجتة وقالت له كل هذا الحب
لولد عمك قال: لا بس اصله قاهرني باعلى سيارة وغشني فيها

فيه واحد زعلان من زوجته لأن الغداء مالح جت بتراضيه قالت له :أعمله مساج؟
قال: والله لو تعمليه لا أ كبه ( أرميه )

جاء الرجل يسأل جاره بلهفة : سمعت شيئاً يرتطم على الأرض و أصواتاً صادرة من
منزلك ... فماذا حدث
فأجابه الجار : لقد تخاصمت مع زوجتي ، فأمسكت زوجتي طاقيتي و ألقتها على
الأرض.
فسأله الرجل : وهل يكون للطاقية فرقعة وصوت إذا سقطت على الأرض
فقال له : نعم ... فقد كان رأسي داخل الطاقية

الزوج للطبيب : زوجتي مصابه بعقدة النقص
الطبيب : لا تخف سأعالجها وستشفى خلال 3 شهور .
الزوج : ومن قال لك أني أريدها أن تشفى

واحد كان عازم صاحبه على الغداء ... فصاحبه لقاه كل ما يطلب من مراته حاجه يقول لها يا روحى هاتى البطاطس ، يا عيونى شوية ملح ، فاستغرب الضيف قوى ، و سأله ما شاء الله 12 سنة متجوزين و مش بتنده لها غير يا قلبى يا حياتى ....فرد الزوج أصلى ناسى اسمها

واحدة اتجوزت نجار بقت تدلعه و تقوله يا لووحي
>
>اقرع حب واحدة معرفش يعبر لها عن شعوره
>
>واحد رمي يمين الطلاق علي مراته مجاش فيها

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

واحد جا له ولد و صار عمره خمس سنين و ما يتكلم ...... في يوم الولد تكلم .... و قال : خالو....ثاني يوم ..... مات خالو .... بعد اسبوع .... قال : اخوي ...... ثاني يوم ..... مات اخوه ....... و بعد اسبوع قال : بابا ..... الاب كتب وصيته على اساس انه بيموت ثاني يوم ....... مات جارهم

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: فيه ايه يا بنت الحلال؟ ليه كدا؟؟؟
الزوجه: ايه الورقه اللي في جيب بدلتك ومكتوب عليها "سوسو"؟؟
الزوج: يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !!
الزوج: خير يابنت الحلال في ايه تاني؟؟
الزوجه: حصانك على التليفون ..!!

ههههههههههههههه

حلوين اووووووووووووووووى

ميرسى جدا جدا يااحلى بابا على النكت الجميلة دى

ربنا يبارك حياتك يارب

ميرسى ليكى انتى على مرورك ربنا يخليكى ويبارك حياتك