لعبة كرسي الأعتراف

طيب سلام ونعمة ليكم الاول

اولا اسمى : مينا الجمال
مواليد: 12/6/1987
طولى : 178 سم

شغال : فى مجال الكمبيوتر

عرفت المنتدى منين : انا اللى مصممة سيادتك

اكتر أكلة بحبها :سبانخ باللحمة
اكتر أكله بكرها : كل الاكلات بحبها عادى مفيش حاجه معينه بكرها

اكتر مشروب بحبه : المانجو بس يبقى مشبر يعنى عليه تلج كتيرررررررر بالذات فى الصيف اللى احنا داخلين عليه
اكتر موقف محرج قابلنى : كنت مع اصحابى وعازمهم فى مكان معين ولما جيت احاسب مش لقيت فلوس فى المحفظه

موقف احرجت فيه حد : كتير بس اقرب موقف حد صحبى اوى كان بيرن عليا من رقمه الجديد فى اوقات مش تمام

المهم جيت فى يوم اتصلت بيه كذا مره علشان يفتح عليا ويعرفنى هو مين
ولما فتح وكلمته هزقته قلتله دى اوقات تتصل بيا فيها
ههههههههه

اكتر صفه مميزه فيا : ثقتى بنفسى

عيوبى : اللى مش يعرف مينا الجمال كويس ممكن يفهم تصرفاته غلط او بمعنى ادق يقولوا انى متكبر وطبعا فى عيوب كتيررررررره تانى

بتخدم ولا لا : لا مش بخدم

اكتر الاعضاء القريببن منى : بدون مجامله كل الاعضاء قريبيين منى ده

مرتبط ولا لا : حقيقى لا لسه مش فى ارتباط رسمى بس وعد منى مينا الجمال اول ما هرتبط هعرفها عليكم فى المنتدى

شكرا يا عم رومانى على اسئلتك الطحن

سلام ونعمة مساء الخير يا غالى الاول بحيك جدا على الاجابات الدبلوماسيه ديه وليك عندى شويه اسئله زاى الفل يا غالى علشان انت غالى بس عليا ياريت برضه الكل يسال مينا الجمال اسئله طحن
ايه رائيك فى الحب على النت يا غالى ؟؟
انت ممكن ترتبط من على النمت يا مينا يعنى ممكن تحب وتروح تشوف اللى تحبه وتخطبه وتتجوز كمان الاجابه بصراحه مطلقه لو سممحت؟؟
ما هو اسم حبيبك واجبارى؟؟؟
تعمل لاايه لو حبيبتك خانتك وبعيتك فى لحظه قدام عنيك؟
ما هو الحب فى نظرتك الشخصيه من ناحيه البنت والولد وماهو مفهوم الحب

احلوووووووووووووووت على الاخر

وعجبتنى كلمه الاجابه بصراحه واجبااااااااااااااااااااارى دى اهم اجباااااااااااااااارى

Idea

ليا الحق انى اسال
السؤال بيقول علل

اذكر اسماء اللى حبتهم على الانترنت ؟ (F)

-----------------------------------------------
هنذا واقف على الباب وأقرع . إن سمع أحد صوتي وفتح الباب ، أدخل إليه وأتعشى معه وهو معي
الرؤيا 3:20
___________________________

MENA MOON

أذكرونا فى صلواتكم

ههههههههههههههههههههههههههههههههههه

رومانى باين عليك بتحبنى اوى

طيب نجاوب ونقول

ايه رائيك فى الحب على النت يا غالى ؟؟

انا رائيى فى الحب على النت
https://margerges.mam9.com/montada-f29/topic-t487-15.htm#4419

ممكن تشوف رائيى فى اللينك اللى فات

انت ممكن ترتبط من على النت يا مينا يعنى ممكن تحب وتروح تشوف اللى تحبه وتخطبه وتتجوز كمان الاجابه بصراحه مطلقه لو سممحت؟؟

لو علاقتى بيها من البدايه كانت صح وقابلتها وشفتها ايه المانع انى ارتبط بيها مفيش مشكله

بس مش معقول هحبها من غير ما اكون شفتها وقابلتها مره واتنين وتلاته وبعد كده اشوف هل هينفع ارتبط بيها ولا لا ده اولا وثانيا لازم هى كمان تكون مقتنعه بيا يعنى انا وهى يكون فى اقتناع لو كده تمام يبقى لتكن مشيئتك

ما هو اسم حبيبك واجبارى؟؟؟

صدقنى مفيش حب حاليا علشان انا لسه بستعد بس مش جاهز بس زى ما قلتلك قبل كده اول ما هتكون فى حبيبه هجيبها على النت وفى المنتدى هنا واخلى اسمها حبيبة مينا الجمال
ههههههههههه

تعمل لاايه لو حبيبتك خانتك وبعيتك فى لحظه قدام عنيك؟

لو حببتى صعب انها تبعنى مهو انا مختار بعقلى وبقلبى

ما هو الحب فى نظرتك الشخصيه من ناحيه البنت والولد وماهو مفهوم الحب؟

السؤال ده مكرر عليا فى كل مره ولا ايه ما علينا

لو فى نظرتى بالعقل يبقى ارتباط لو نظرتى بقلبى

يبقى حجات كتيره جدا صعب انى اكتبها

خلصنا كده من اسئله الرومانى

تمت بحمد الله

ههههه

مينا مون ظهر يا ولكم يا ولكم

طيب مينا مون بيقول
اذكر اسماء اللى حبتهم على الانترنت ؟
(F)

لو تقصد الحب الحب

هو كان اعجاب ببنوته معينه مش عارف كان حب ولا لا

لو كان حب كان زمانى مرتبط بيها

تمت بحمد الله

هههههههههه

غيره

اللة لعبة حلوة
مين هو اكتر شخص بتحبه فى الدنيا ؟
مين مثلك الاعلى فى الحياة ؟
اية هى المواهب اللى انت متميز فيها ؟
مين اصدقائك فى المنتدى ؟
اختار خمس اعضاء واوصفهم من وجه نظرك
ياريت تكون الاسئلة سهلة ربنا معاك

هى من ناحية انها احلوت هى كده بقيت جميله

هههههههههه

مين هو اكتر شخص بتحبه فى الدنيا ؟
بحب والدى ووالدتى

مين مثلك الاعلى فى الحياة ؟
والدى

اية هى المواهب اللى انت متميز فيها ؟

هو انا بحب العب كره قدم بس مش عارف متميز ولا لا الله اعلم

مين اصدقائك فى المنتدى ؟

المنتدى معظمهم اصدقائى وحبايبى

اختار خمس اعضاء واوصفهم من وجه نظرك ؟

طيب نقول :
1: الرومانى : شخص بيحب يدى وعنده كتير من المحبة
2: mgdy-f طبعا مجدى الله يكون فى عونه وبجد خدمته جميله جدا ربنا يباركه
3: قلب يسوع :دى بقى ارائها جامده جدا وبتتكلم بصراحه
4: زهره المنتدى دى بقى عسوله المنتدى بس تتعود تتكلم
5: فيرينا خادمة منتدى الشعرر : بتكتب شعر جميل جدا وتاملات كتير حلوه

تمت بحمد الله

هههههههه

غييره

-كلمة تتمنى سماعها كل يوم ؟؟

- شيء حدث بحياتك غير مجرى حياتك ؟؟

-شخص تفتقده ,, من هو ؟؟ ليس شرطا ان يكون عضوا !!!!!

-قرار اتخذته وتسرعت به ومن ثم ندمت عليه؟؟

-لا اسمع لا ارى لا اتكلم ,, متى تطبق هذه المقوله بحياتك ؟؟
يارب مكنش طولت على حضرتك

كلمة تتمنى سماعها كل يوم ؟؟

بحبك من حببتى طبعا
Laughing

ههههههههههههه

شيء حدث بحياتك غير مجرى حياتك ؟؟

اتعرفت على مجموعه اصدقاء جداد مدينى دافع اكبر من اللى كان عندى

شخص تفتقده ,, من هو ؟؟ ليس شرطا ان يكون عضوا !!!!!
عسل يا فيبى
بس انا مفتقد صديقى الانتيم دلوقتى بس علشان انا وهو مشغولين بالشغل بتاعنا بس احنا على اتصال

قرار اتخذته وتسرعت به ومن ثم ندمت عليه؟؟

حقيقى فى مواقف كتيره انا بتسرع فيها وبندم بعدها

لا اسمع لا ارى لا اتكلم ,, متى تطبق هذه المقوله بحياتك ؟؟

لما احس ان حد عاوز يعمل عليا حوار اتمنى تكونوا فهمين يعنى ايه حوار ابسطهلكم يعنى يشتغلنى سورى فى اللفظ

لما حد بيحب يعمل معايا كده
بعمل مش فاهم

هههههههههههههههههههه

تمت

غيره

حبيبى مينا تعالالى
لو ماشى انتا وخطبتك وانتا عايش فى رومنسيه كده وفجأه لقيت نفسك فى شارع كله كلاب مسروعه تعمل ايه تدخل عليهم بقلب جامد ولاا تجرى وتسيب خطبتك ولاا تجرى وتاخد خطبتك وتجرى عليهم؟

ooooooh woooooow
مينا الجمال على الكرسى هيا للانتقام

النهاردة بقى يامن هتعملى cv لنفسك وبكل روقان لانى اصلا مهيسة وعايزة انام وهفوق على الاسئلة دى

س1 : مين هو مينا الجمال بمعنى الشخصية يعنى ايه هى سمات شخصية مينا كأنسان؟
س2 : مين يامن اللى فكر فى عمل المنتدى معاك ؟
س3 : فاكر اليوم اللى عملتوا فيه المنتدى كان يوم ايه فى الاسبوع ويوم كام فى الشهر ؟ ( ده اختبار للذاكرة واجبارى جدااااااااا )
س4 : تاريخ ميلادك بسرعة بسرعة بسرعة بدون تفكير
س5 : تاريخ مهم جدا فى حياتك مش ممكن تنساه وقولنا الحاجة اللى حصلت تخليك مش تنسى التاريخ؟
س6 :
ولا اقولك كفاية كده احسن عايزة انام
فاصل ونعود
انتظرونا
اوعى تغير المحطة
هههههههههههههههههه

هاى يامينا على فكرة اجمل شىء فى الدنيا هوا كرس
الاعتراف بتشيل كل شىء من فوق كتافك بتبدا صفحة جديدة
مع ربنا بلا خطية انا على فكرة مكنتشى بعترف حوالى 15 سنة وعندما
وقعت فى محنة اول شىء فعلتة روحت الكنيسة واعترفت كانت اول مرة بجد
وعمرها ما هتكون اخر مرة
ادعولى فى صلاوتكم انا العبد الخاطى

هاااااااااااااااااااااااااااااااااااااى مينااااااااااااااااااااااااااااا

حقيقى منور كرسى الاعتراف

طبعا اطحنت اسئله

بس هسالك برضه

ههههههههههههههه

قولى 3 امنيات واحده مااتحققش واحده حققتها واحده لسه نفسك تحققها

انت بتسامح اصحابك لما بيغلطوا فيك ولا لأ ؟ وامتى ممكن ماتسامحش ؟

الاخلاص حاجه كلنا محتاجنها . انت مخلص لصاحبك ولا لأ؟ وانت شايف ان الاخلاص لسه موجود . ولا انقرض ؟

ايه الصفه الللى نفسك تغيرها فى شخصيتك ؟

لواختلفت انت وحبيبتك فى الراى وكان رايها هو الصح . هاتنفذ رايها ولا لأ ؟

انا بقول كفايه كده عليك دلوقتى عشان ماطولش عليك

هههههههههههههههههههههههه

جاوب ياباشا

فاصل ونعوووووووووووووووووووود

Laughing

منور ادمن مينا الجمال
انا مش هسأل كتير انا هختصر
نبدأ بس الاسأله تتجاوب بصراحه
س1 متى تحس أنك غلط؟؟
س2 أنت شايف نفسك ايه ؟
س3 ايه هدفك اللى أنت عايز توصله؟
س4 ايه التصرف الغلط مثلا قولت لحد من اصدقائك نصيحه غلط سواء على النت او فى الحياه ؟شكرا لاحلى ادمن

معرفش ان الاعضاء دى كلها بيحبونى الحب ده كله

ههههههههههههه

طيب نروح لتون الاول اللى سالنى

لو ماشى انا وخطيبتى حببتى ولقيت كلاب هشيلها واجرى واهى فرصه

هههههههههههههههههههههههههه

اسمع صراخى

منوره

طيب نجاوب ونقول

س1 : مين هو مينا الجمال بمعنى الشخصية يعنى ايه هى سمات شخصية مينا كأنسان؟

هو انا بتعمل معاكم باسلوب غير انسان

هههههههههه

anyway

انا اللى فى قلبى على لسانى لو مضايق من حد مش هعرف اجامله لو مخنوق منه هقله مخنوق منك علطول مش بعرف ازعل

اللى قدامى لما بحب اقول حاجه بقلها مباشره مش برتب الكلام مش بحب اللف والدوران بس خلاص شطبنا كده يا معلمين

س2 : مين يامن اللى فكر فى عمل المنتدى معاك ؟

حقيقى انا كنت عامل مواقع بس مش دينيه وكنت مش بخدم فقلت اخدم عن طريق حاجه بحبها فعملت المنتدى كان معايا ادمن فاندام هو ساعدنى كتيررررر

س3 : فاكر اليوم اللى عملتوا فيه المنتدى كان يوم ايه فى الاسبوع ويوم كام فى الشهر ؟ ( ده اختبار للذاكرة واجبارى جدااااااااا )

الأربعاء 19 سبتمبر 2007 - 20:23

س4 : تاريخ ميلادك بسرعة بسرعة بسرعة بدون تفكير

جاوبت على السؤال ده قبل كده

س5 : تاريخ مهم جدا فى حياتك مش ممكن تنساه وقولنا الحاجة اللى حصلت تخليك مش تنسى التاريخ؟

هو يوم عيد البابا كيرلس 9 مارس علشان مضيت العقد فى الشركة اللى انا شغال فيها حاليا

خلصنا من اسمع صراخى

الحمد لله

بولا مش سالنى صلواااااااااااااااااااتك يا بولا معانا

منوره قلب يسوع

يا ولكم يا ولكم نورتى المحكمة

هههههههههههههه

ونجاوب ونقول

قولى 3 امنيات واحده مااتحققش واحده حققتها واحده لسه نفسك تحققها

اللى مش حققتها حقيقى انا مش بحب احلم بحاجه اكبر منى او بمعنى ادق بحب انى اكبر مع الوقت مزيد من التوضيح يعنى مش بتمنى حاجه صعبه انى احققها
وكل واحد وامكانيته

هههههههههه

الامنيه اللى حققتها رضا النفس

نشكر ربنا

اللى نفسى احققها بقى

ارتبط علشان كده خلاص

هههههههههههههههه

انت بتسامح اصحابك لما بيغلطوا فيك ولا لأ ؟ وامتى ممكن ماتسامحش ؟

بسامهحم اكيد

بس الحاجه الوحيده اللى مش بسامح فيها الخيانه والكدب حتى فى وجود المبررات بس لو اصحابى دول حبايبى
وده الطبيعى
ان كل اصحابى او اللى بتعامل معاهم قريبيين منى جدا فى الكنيسه
فبالتالى بسامحهم فى كل الحالات

الاخلاص حاجه كلنا محتاجنها . انت مخلص لصاحبك ولا لأ؟ وانت شايف ان الاخلاص لسه موجود . ولا انقرض ؟

الحاجه دى مش عارف ممكن اجاوب عليها ولا اشوف حد يكون عارفنى بعيد عن النت يجاوبكم على السؤال ده
اللى هيعرف مينا الجمال بعيد عن النت ممكن فكرته عنى تتغير 360 درجه

ههههههههههههه

الاخلاص موجود وده العادى بس احنا لازم نختار اصحابنا بدقه وعنايه وانا شايف لازم نشيل كلمة اصحاب ونحط بدالها كلمة اصدقاء

ايه الصفه الللى نفسك تغيرها فى شخصيتك ؟
مش عارف انتوا بتسالونى اسئله مش ينفع اجاوب عليه يعنى انا هقول حاجه وحشى فى نفسى لازم حد يكون عارفنى بعيد عن النت وهو يجاوب

بس الحاجه اللى يعنى ممكن تكون فيا مش تمام

اللى مش بيقدرنى مش بقدره

او اللى بيبعنى ببيعه مهما كانت علاقتى بيه

بس طبعا الكلام ده على اصدقائى بس

هههههههه

انما حببتى لو بعتنى هشتريها برده

بس لازم اكون بحبهااااااااا

لواختلفت انت وحبيبتك فى الراى وكان رايها هو الصح . هاتنفذ رايها ولا لأ ؟

الاكيد

طبعا هنفذ رائيها عادى

علشان الصح مفيش اتنين بيختلوفو عليه

تمت بحمد الله

ههههههههههههه

اولا ولكموووووووووو يا ميرااااااااااااااااا

نجاوب ونقول

س1 متى تحس أنك غلط؟؟

لو عملت حاجه مش مقتنعه بيها

س2 أنت شايف نفسك ايه ؟

شايف نفسى مينا الجمال
هههههههه

بس الحمد لله انا معجب
بكل عطايا ربنا اللى مديهانى
يعنى مبسوط بحالى

س3 ايه هدفك اللى أنت عايز توصله؟

من الاخر وبدون تجميل الكلام
الارتباط فى وقت قريب جدا ان شاء

لتكن مشيئتك

بس عاوز استقر

لو عندك عروسه عرفينى عليها

ههههههههههههههههههههه

س4 ايه التصرف الغلط مثلا قولت لحد من اصدقائك نصيحه غلط سواء على النت او فى الحياه ؟شكرا لاحلى ادمن

مش فاهم السؤال ده

مزيد من التوضيح

وميرسى ليكى يا جميل على المرور

فى انتظار توضيح السؤال ده

والمزيد من المحاكمات

بس نفهم معنى السؤال او نركز من اللى احنا عاوزين نوصله من السؤال
مش نكتب اسئله وخلاص

thx 4 all

انا منتظركم

see you

ادمن مينا الجماتل احنا كلنا بنشكرك على اجابتك الدبلوماسيه الجميله والرائعه ياريت تختار عضو او مشرف يتسال بعدك يا مينا ممكن ربنا يبارك حياتك

منتظرين لسؤال عضو جديد وربنا يستر عليكم من الاسئلة اللى ممكن احضرها
عديت يامينا ياجمال ماشى ماشى

طيب الحمد لله

تم عبور الصقر المصرى مينا الجمال

من كرسى الاعتراف

وطبعا اللى هيتسال دلوقتى مش هيترحم

نراكم بعد الفاصل

انتظرونا

سنعود

طيب هنسال طبعا

حبيبى الغالى

ههههههههههههه

الرومانى

تعالى يا رومانى بقى جاوب

بقى من الأول
أسمك
سنك
وزنك
طولك
دراستك
عرفتى المنتدى منين
أكتر أكله بتحبيها
أكتر أكله بتكرهيها
أكتر مشروب بتحبيه
أكتر موقف محرج قبلك
موقف أحرجتى فيه حد
أكتر صفه مميزه فيكى
عيوبك
بتخدم ولا لأ ولو بتخدم بتخدم فى أيه
مين أكتر الأعضاء قريبين منك

واااااو منور يارورو الكرسى
بس وحياتك تقولى الكرسى مريح ولا لا
لو مريح قولنا نحط اسئلة تانية يعنى
يلا ماعلينا
نبتدى اسئلة يارورو ورينى هتجاوب ولا

س1 : من أنت كشخصية فى عين نفسك ؟

س2 : من أقرب الناس اليك فى الحياة ؟

س3 : من أقرب الاعضاء اليك وبكل صراحة عضو تحس انه اخوك او اختك بجد ؟

س4 : ايه اكتر موسيقى او ترنيمة بتسرح اوى لما تسمعها ابو بمعنى تانى بتاخدك من نفسك ؟

س5 : تاريخ يوم تسجيلك فى المنتدى وكان يوم ايه فى الاسبوع وتاريخ اليوم اللى عينت فيه مدير عام للمنتدى ( اجبارى ) ؟

س6 : ايه الشئ اللى ممكن ينزل دموع رومانى بدون احساس او حواجز للدموع ؟

س7 : ايه اكتر موقف فى حياتك ندمت على تصرفك فيه ( مع شرح الموقف بالتفصيل واجبارى )

س8 : لو مشيت بمقولة قول للزمان ارجع يازمان تتمنى ترجع ايه ؟

س9 : لو فى عينك دمعة واحدة هتبكيها على مين وايه هايكون السبب ؟

س10 : لما بتقف قدام المراية ممكن تعمل ايه غير انك توضب لبسك وشعرك ؟

س11 : ايه اكتر موقف بعد نهايته قولت ياااااااه ايه الجنان اللى انا عملته ده ( مع شرح الموقف طبعا ) ؟
يلا جاوب بقى يارورو ورينى شطارتك

» لعبة حرب الكواكب
» لعبة الصراحه
» لعبة بيت الرعب
» لعبة السفينة
» لعبة Soleter