مش يمكن يكون خير
كان في القديم رجل يمتلك بيتا يغيش به هو و ابنه الوحيد و به اسطبل خيل و في يوم من الايام سمع ضوضاء شديدة و هو نائم اثناء الليل فخرج ليري ماذا يحدث و ها هو افضل حصان عنده كسر باب الاسطبل و هرب...
فجلس الرجل يبكي و يشكوا الي الله و يقول ليه يارب كده انا عملت ايه ليه تسمح ان يحصلي الشر العظيم ده ليه يارب فيأتيه صديق له و يقول له ليه كده انت ليه حاسبه شر مش يمكن يكون خير يقوله ازاي ...بقولك احسن حصان عندي راح تقولي خير قاله : انا قولتلك و خلاص
وبعد يومين و هز نائم سمع ايضاً ضوضاء شديده و إذ بالحصان قد عاد و معه عشرة اخرين من اجود الانواع البريه فجلس يشكر الله و يقول اشكرك يارب علي نعمتك اشكرك علي محبتك ليه و علي الخير الكتير ده و يعود له نفس الشخص ايه شكلك مبسوط النهارده فحكي له ماحدث فقاله طيب بس خللي بالك مش ممكن يكون شر قاله ازاي بقولك دول جواد بري من افضل الانواع قاله انت حر بس انا بقولك ما يمكن يكون شر
و في صباح اليوم التالي ركب ابنه الوحيد حصان بري من ضمن الذين اتوا الي الاسطبل و اذ بالحصان يجري سريعا مهرولا و الولد يقع من عليه و تحدث بجسمه اصابات و كسور كثيرة
فعاود الرجل الشكوي الي الله ليه يارب كده انت ليه بتسمح بالشر ده انه يحصل يعني انت بعتلي الخيل علشان ابني الوحيد يتكسر و يعود صديقه من جديد ليخفف من المه ماتزعلش مش يمكن يكون خير يقوله هتقولي خير طب ازاي بقولك ابني الوحيد مكسر و مش قادر يتحرك يقوله معلش بس ممكن يكون خير
و ها هي اراده الله المدينه التي يسكن بها هذا الرجل تدخل حرب مع احدي المدن المجاوره و يأمر الحاكم باستدعاء كل شباب المدينه و ها هو الشاب ابن الرجل راقد علي فراشه به كسور لا يستطيع الحركه و يخسر الجيش في الحرب و يموت كل الشباب المشاركين في الحرب و يظهر من جديد الرجل ليشكر الله مجددا ياااا يارب انا بشكرك اوي انا معرفتش فين هو الخير و فين الشر كل اللي حسبته خير كان شر و اللي اعتقدت انه شر كان خير انت اعلم بالامور اشكرك كثيرا ياالله
ربنا يرتب لينا الخير اللي هو شايفهولنا مش اللي احنا شايفينه لان ممكن نشوف حاجه بعيوننا شر بس ممكن تكون خير و اللي احنا بنحسبه خير ممكن يكون شر فالله احكم و اعدل اعلم منا ببواطن الامور
القصص و العبر
موضوع: مش يمكن يكون خير 
الجمعة يناير 25, 2008 11:06 pm
