مين فيكم

موضوع: مين فيكم الأحد مايو 18, 2008 10:17 am

مين فيكم

مين فيكم حس بيه..................مين منكم سال عليه
مين فيكم همه الامه.............مين فيكم جرحه الامه؟
واحد فيكم كان خاين................واحد منكم كان ظالم
حد فيكم حكم عليه..............يشيل صليب العار بايديه
شال عنكم ذنب منكم...........شال عنكم صليب الامكم
ولسه برضه بتجرحوه...........ولسه برضه بتخونوه
لسه فيكم يهوذا تانى................بيسلم المسيح من جديد
لسه فيكم توما تانى................بيشك فى جراح الحبيب
لسه فيكم بطرس تانى.................بينكر علامة الصليب
يا ابن ادم توب وفوق.......ده انت عايش فى وهم وسراب
انت عايش طريق طويل................كل خطوة فيه عذاب
الحق ارجع للحبيب......................بيناديلك طول الطريق
اسمع صوته بيناديلك.........................بيقولك انا الحبيب
بيناديلك بصوت مسموع....................تعالى الى يا صديق
احنا فى ايام الحياه..............................ايام المحبه والسلام
ايام اسبوع الالام.................................ايام الفرح والايمان
كل يوم من ايامه..................................فيه رسالة من كلامه
اول ايام الاسبوع..................................بيكون سبت الجموع
سبت لعازر الحبيب...............................الى قام على يد الحبيب
ثانى ايام الاسبوع....................................بيكون حد الشعانين
حد الفرحة والسرور....................................الى ملاها يسوع
يوم دخوله لاورشليم............................فرحت الناس فرح عظيم
اتفرشت الارض بالثياب..........................ودخل المسيح فى بهاء
وثالث ايام الاسبوع.....................................بتكون شجرة التين
الى لعنها المسيح......................................وقال لها مش صحيح
مش هيكون ليكى اوراق.....................................لغاية يوم اللقاء
ورابع ايام الاسبوع......................................بيوافق يوم الثلاثاء
الى اتكلم فيه يسوع............................عن اسرار وحاجات للجموع
قال لهم ازاى بتكون......................................الطاعة ولمين بتكون
دربهم على دفع الجزية...................................لالاهم وكمان لملكهم
قال لهم ان مال قيصر.......................................لازم يكون لقيصر
وان ما لله............................................................لازم يكون لله
وخامس ايام الاسبوع..........................................بيكون اربع ايوب
وخامس ايام الاسبوع...........................................بيكون اربع ايوب
اليوم الى فيه اتخان.................................المسيح من يهوذا عديم الايمان
يايهوذا بسهولة قلت........................................عن مكان المسيح وخنت
خنت الى ادالك حنانه...........................................خنت الى ادالك مكانه
خنت مين يا يهوذا وليه.......................................سبت مين ورحت لايه
سبت بيتك الكبير..............................................ورحت للجرم الخطير
رحت واخدت الفلوس...........................................علشان تبيع القدوس
سلمت المسيح بايديك.........................................وشنقت نفسك بايديك
وسادس ايام الاسبوع.......................................بيكون خميس الجموع
اليوم الى قعد فيه...............................................واكل المسيح بايديه
كسر وشكر واعطى.........................................واعطى التلاميذ معاه
قال لهم اسفك دمى............................................من اجل العهد الجديد
قال لهم ابذل جسدى...........................................من اجلكم يا اولادى
قال لهم اصنعوا هذا.......................................لتتذكروا دمى المسفوك
واليوم الى جاى .................................................بيكون يوم التسليم
يوم جمعة التسليم............................................من ايد يهوذا المسكين
قبل يهوذا المسيح..............................علشان يكون الكلام صحيح
بقبلة يسلم ابن الانسان
ويتعذب ويتهان.......................................من اجلى ومن اجلك كمان
استحمل المسيح كتير...................................من الالم والجرح والاه
مين فينا ضميره مرتاح...................................علشان بنجرح الاله
اندفن المسيح فى القبر.......................................وقعد فيه ثلاث ايام
وفى ليلة سبت النور.....................................سبت الفرح والسرور
بتكون رحلة العبور.......................................من الموت الى الحياة
بيعبر بينا المسيح........................................من الشمال الى اليمين
بيكسر بينا المسيح........................................عبودية ابليس اللعين
واليوم الى جاى ده.........................................احلى ايام الاسبوع
اليوم الى مستنيه...................................رب المجد يسوع المسيح
قام المسيح من الاموات.............................وانتصر على الالامات
وقال لنا ها انا اعطيكم....................................حياة وامان وسلام
ادانه المسيح حياة..........................................لما قام من الاموات
اعطانا المسيح غلبه...............................على الموت وكسر شوكته
قال لنا يا اولادى..................................ها انا اعطيكم حياة جديدة
الى هيقبل ويكون معايا..........................هيكون ليه مكان فى سمايا
يلا تعالى وسيب حياتك.............................دا المسيح هو خلاصك
ارجع ليه يلا قوام..................................وقوله اقبلنى على الدوام
اوعى تقول الطريق طويل.......................ده طريق يسوع الحنان
وقوم معايا يلا نصلى....................................ونطلب من الحنان
ونقوله وبكل خشوع.................................اقبلنى عندك يا يسوع

موضوع: رد: مين فيكم الإثنين مايو 19, 2008 3:11 am

راااااااااااااااااااااااااااااااااااااااااااائع تونى
جميييييييييييييييييييل جدااااااااااااااا
ميرسى على الموضوع الجميل تونى

موضوع: رد: مين فيكم الخميس مايو 29, 2008 4:10 am

اللللللللللللللة علي الكلام دة بجد يا توني

ربنا يحافظ عليك ميرسي ليك

موضوع: رد: مين فيكم الإثنين سبتمبر 22, 2008 4:47 pm

الللللللللللللللللللللللللللللللللللللللللللة
بجد رائع يا تون

موضوع: رد: مين فيكم الإثنين سبتمبر 22, 2008 4:53 pm

جميل جدا يا تون

بجد روعـــــــــــــــــــــــــــــــــة

ربنا يباركك ويعوضك

موضوع: رد: مين فيكم الجمعة سبتمبر 26, 2008 3:03 pm

الللللللللللللللللللللللللللللللللللللللللللللللللللله

رائع جدا
ميرسى كتير على الكلامات الجميله دى