موضوع مهم للنقاش\ هل السحر والحسد حقيقة ام خيال

هل السحر والحسد صحيح موجود في حياتنا

وهل في بعض الناس بيؤمنوا بية طب قولنا رايك انتا اية

موضوع مهم جداا
وشاااااااائع فى مجتمعنا المسيحى للاسف الشديد

ابدا بالسحر

هناك نوعان من السحر

سحر حقيقى
وسحر غير حقيقى ويسمى [بالجدل]

السحر الحقيقى موجود فعلا وتعريف هو :
لجوء الانسان الى الشيطان ليجد له حلا لمشكلة
يظن هذا المسكين ان مشكلته سوف تنحل بالسحر

والشيطان له قدرة على عمل الخوارق ، لا لكى يفيد الانسان بل لكى يضلله
ويجعله تابع ليه ويبعده عن مصدر العطاء الحقيقى الذى هو الله

كما يقول قداسة البابا عن الشيطان
انه كملاك فقد نقاوته ولكنه لم يفقد طبيعته

يبقى فى سحر اه فى سحر

ولكن هذا السحر لا يضر سوى الذين يلجاون اليه
ويسعون اليه ويؤمنون ان السحر سوف يعالج مشاكلهم

والواقع ان الشيطان لا يعطى مجانا بل هو يوهم الانسان انه يعطى
وهو فى الحقيقة بياخذ

بياخذ من الانسان حبه لربنا وايمانه بربنا

ويصبح هذا الانسان تاااااابع للشيطان وجندى من جنوده
وهذا مايريده الشيطان ان يبعد الانسان عن الله مصدر المعونة الحقيقى

اما عن السحر الغير الحقيقى وهو الجدل

وهو باختصار ادعاء بعض الناس بان لها قدرة على عمل السحر الحقيقى

وهم يخدعون البسطاء من الناس والعوام
وهؤلاء الذين نسمع عنهم كثيرا فى حوادث النصب المتكررة

مجرد ادعاء بانهم يشتغلون بالسحر وهم ليسوا كذلك

بجد رايك هايل يا نظير وفعلا مفيش حاجة اسمها سحر

غير عند الناس اللي عاوزة تعتقد وهما ان فية سحر ودة مشاكلة كتير

منها زي ماقلت انها بتبعدنا عن ربنا امابالنسبة للحسد مكلمتناش عنة

يا فنان يا عظيم عاوزين نعرف رايك في الحسد انا بالنسبة ليا ساعات

بتيجي بالصدفة وطلاما حطناها في دماغنا ان فلان بيحسد يبقا خلاص

كل مرة كدة ربنا يحافظ علي شعبة من محاربات الشيطان بجميع انواعها

ميرسي ليك يا فنان تشريفك الموضوع ومشاركاتك معانا وابقا معنا نعرف

ردود الاخرين ونشارك ارانا مع بعض

ونرجع لموضوع الحسد

الحسد الاول محتاج تعريف

الحسد له تعريفان
احدهما سليم والاخر خاطىء

الراى السلبم طبعا هو الراى المسيحى
وهو ان الحسد : مجرد شعور داخلى
لا يؤذى المحسود اطلاقا

شعور حقد ، كراهية ، غيرة الخ

لكنه لا يؤذى الطرف المحسود والا فما ذنب الناجحين والمتفوقين من اذية الحاسدين

فالحسد هنا يؤذى الحاسد وليس المحسود
يؤذيه بمعنى ان قلبه غبر نقى وغير محب للاخرين

اما الراى الاخر وهو الراى الخاطىء وهو الاكثر انتشارا
ان الحسد هو ضربة عين
يعنى ابص للحاجة وتخرب وتنتهى
او احسد شخص يجراله ويجراله

وطبعا ده كلام مش صحيح على الاطلاق
المثل اللى بيقول العين فلقت الحجر ده مثل خاطىء
تفتكروا يعنى ايه هى القوة الخفية اللى هتخرج من العين وتفلق الحجر

مش عارف
بس ارجو من كل شخص انه يدقق قبل ان يصدق
ويحقق قبل ان يصدق

مش نسمع اى حاجة او اى فكر ونتاثر بيه

لازم نفكر فى كل شىء ونشوف راى الدين بتاعنا ايه وراى كتابنا ايه
ولما بنصلى فى صلاة الشكر ونقول نجينا من كل حسد

فالمقصود بالحسد هنا

هو شرور الناس اللى بيعملوها فينا بسبب حسدهم لينا وكرههم لينا
يعنى يارب نجينا من الشر اللى بيحصل بسبب عدم محبة الناس لينا
وحقدهم ومشاعرهم التى بها حسد وحقد

[size=29]ميرسي نظير لاستمرارك معنا في

الحوار وعلي معلوماتك الجميلة ابقا معنا[/size]

» موضوع مهم للنقاش\ هل التدخين خطيئة سؤال للجميع
» موضوع مهم للنقاش\ هل الغضب وعدم السيطرة علي النفس خطية
» السحر؟؟؟
» † ادخل هنا قبل المشاركة باى موضوع †
» موضوع للبنات موضوع مهم جدا جدا جدا