عضو متصل ولا منفصل ؟؟ !!

متصل ولا منفصل ؟؟؟؟ !!!!

نشكر ربنا المنتدى بتاعنا كل يوم بيزداد عدد أعضائه
وكل يوم بنشوف مساهمات جديدة
وفى ناس شغالة حلو اوى ربنا يكمل ونصل إلى المزيد من النمو والتميز

وارجع بقى لعنوان الموضوع ، وأسئل كل واحد فيكم

هل أنت عضو متصل ؟ ، ولا منفصل

اذا كنت منفصل فأنت بذلك لست عضواً
لأن كلمة عضو معناها جزء من كيان وله فعالية

بمعنى مثلاً جسم الانسان ، العضو فيه له أهمية ومتصل بباقى الأعضاء
ولا يجوز له أن يعمل منفصلاً أو مستقلاً عن باقى الجسم

هل أنت عضو متصل ؟ ، ولا منفصل

متصل بباقى الآعضاء أم منفصل عنهم ؟؟

نحن نريد أن نحقق الهدف من المنتدى
والهدف ان نكون أسرة واحدة [جسد واحد]

لنا روح الفريق وروح الجماعة

نريد مزيد من التفاعل والتواصل بين الأعضاء
الإنسان فينا مخلوق إجتماعى لا يجب أن يعيش منفصلاً عن الآخرين

دعوة
لجميييييييييييييع أعضاء المنتدى الأحباء

الرجاء الخروج من عزلتكم وانفتحوا على باقى الأعضاء
وعلى باقى الأقسام

ماينفعش يا جماعة كل واحد فينا يدخل المنتدى يشوف مواضيعه بس
ويتابع ردود الناس عليها

كده يبقى احنا فى حلقة مغلقة
كل واحد موجود فى دائرة مقفولة مش بيخرج منها

اخرج _ اخرجى للآخرين وحاول توصل ليهم
عشان هما كمان يوصلوا ليك

ادخل شاهد الموضوعات التانية اللى انت بتمر عليها بسرعة ومش بتشوفها

هاتقوللى المنتدى كبير والمواضيع كتير وانا مش عندى وقت لكل ده

أقولك على الأقل ادخل كل يوم 3 أقسام بس وحط مساهمة واحدة لكل قسم
سواء موضوع جديد أو رد على موضوع عجبك

يعنى مطلوب منك بس على الأقل 3 مساهمات يومياً مش هتاخد منك 10 دقايق

عايزين نحس اننا كلنا أسرة واحدة
ومفيش بنا إنفصال ، لا عايزين يكون بنا اتصال

تكون عضو متصل [ بالاخرين ] مش منفصل [عنهم ]

وعشان نحس اننا اسرة واحدة لازم الاول نعرف بعض
ونشوف مواضيع بعض
ونتناقش مع بعض ونقول رأينا لبعض

لما الاقى عضو جديد حاطط موضوع جديد
من المهم جدا ارد عليه واشجعه عشان يواصل

ويكون عضو متصل مش منفصل

اللى انا ملاحظه ان المنتدى منقسم إلى مجموعات صغيرة
كل مجموعة موجودة فى دائرة واحدة ، مواضيعهم لبعض وردودهم لبعضهم بس

ومالهمش دعوة بباقى المنتدى ولا باقى الأعضاء

يا جماعة من سمات الايجابية هى المبادرة
أنا ابادر وادخل واشوف واشارك واشجع

وصدقونى لو كل انسان بدأ انه يبادر ويبدأ

هايحصل تواصل غير عادى لأنك مش معقول هاتبادر ومحدش هايرد عليك
أكيد هايكون فى رد فعل وبذلك تصبح

عضو متصل ومش منفصل

شباااااااااااااب المنتدى

أرجو منكم المزيد من التفاعل والتواصل
ويكون كل عضو فينا

عضو متصل مش منفصل

تدريب عملى

حاول على الأقل ان يكون ليك 3 مساهمات فقط يومياً
سواء موضوع جديد أو رد على موضوع

وبلاش تركز بس فى ردك على ناس معينين ، شوف الناس التانية وتواصل معاهم

بعد ده كله تحب ايه ؟

تحب تكون متصل ولا منفصل ؟؟
كل واحد فيكم يقول اجابته لو سمحتم ، يقول :

أحب أن اكون .......................

مستنى اشوف ردودكم وايجابيتكم
وأثق ان هايكون فى استجابة جيدة

اخوكم / نظير جيد

ميرسى كتير نظير على الموضوع الجميل جدا ده

وفعلا لازم تكون لينا وقفه فى الموضوع ده

مش ينفع كل واحد فينا يقفل على نفسه

لازم كلنا ندخل على موضوعات بعض

ومفيش كلام يتقال بعد اللى قاله نظير

ميرسى على الموضوع ده نظير

ميرسي ليك نظير علي الكلام الجميل دة

انا بالنسبة ليا يا رب اكون فعلا قادرة اكون عضوة متصلة

بفيد المنتدا واستفاد منة وفعلا لازم نكون كلنا روح واحدة

علشان كلنا نستفاد ونقدر مجهود وتعب كل من يحاول يعطي

ويفيد الاخر مش هنتعب لو ردينا علي بعض ولو حتا بكلمة

شكر صغيرة واللي مش عارف يكتب ازاي ردود يطلب

من اي عضو يعرفة محدش هيتاخر عنة لكن الاهم اننا نشارك

ونكون اعضاء متصلين ربنا يبارك العمل الجميل دة وميرسي ليك كتير

شكرا لك اخويا نظير علي موضوعك

ويارب نكون كلنا اعضاء متصلة

ولينا فاعلية

انا عن نفسي اتمني ان اكون عضوه متصلة وذات فاعلية

واتمني من اخواتي كذلك ايضا

وياريت نكون منفتحين اكثر

ونشارك كلنا في موضوعات بعض

وربنا يدبر لينا الصالح

امين يارب
++
+

ميرسى ليك كتررررررر نظير
على الموضوع الهام جداااااااااا ده
وفعلا لازم كلنا نشارك مع بعض
ونشجع بعض
What a Face

الموضوع في خطوه اجابيا

لازم كل عضو موجود في المنتدي

يكون ليه مواضيع فعاله وردود كمان فعاله

علشان الكل يستفاد من موضوعك

رجاء محبه المتصل مش بلكلام بلفعل

مش بلسان 0نقدر نقرب من يسوع

ولازم تثبت وجودك موضوع جديد او بــ رد جديد

ونفسي اكون عضو موجود ومتصل

الرب يبارك حياتكم

ميرسي ليك نظير الموضوع جميله ولا زم كل الاعضاء تقراء الموضوع ده

هل انتا متصل ولا منفصل ؟؟ !!

+++ ربنا موجود +++

شكرا لكل من ساهم فى رد حول هذا الموضوع

وتقريبا نسبة الردود حوالى

1%

وانا مقدر طبعا ظروف الامتحانات
لكن بعد الامتحانات مفيش عذر بقى

عايزين نكون اعضاء متصلين ومش منفصلين

صح يا فنان ربنا معاهم

ومعانا بقا علشان نفضل دايما اعضاء متصلين

اكيد كلنا اسرة واحدة

ميرسى على الموضوع وربنا يبارك خدمتكم

انشاء الله اكون عضو متصل

كلامك صح يا نظير
يارب فعلا نكون ايجابيين ولو مرة فى حياتنا
بجد نفسى ابقى فعلا عضوة متصلة م شمنفصلة
بس ساعات الواحد بيكون غصب عنه ظروفه هى اللى بتحكم
ميرسى كتير بجد موضوع هايل

انت بتقول كلام جميل

بس انت مستنى الردود دايما يبقى ازاى بتقول للاعضاء محدش يتابع ردوده بس و انت بتعمل كده
انا اسف على انى بقول رأئى

موضوع جميل جدا جدااا نظير

وانا عن نفسى اتمنى اكون عضوة متصلة جدا لان المنتدى فعلا رائع
وهحاول على قد مااقدر اكون متصلة صلولى اكون معاكم
وميرسى جدا نظير على الموضوع الجميل ده
ربنا يبارك حياة الجميع

شئ جميل جدا ومنطقى ودا هو المفروض اللى يكون وانا متفق معك وبأيدك بشدة وبكل جوارحى

موضوع جميل جدا نظير و انت فعلا عندك حق و دى حاجة ملحوظة فى المنتديات عامة
و باذن ربنا نكون فعلا كلنا اسرة وحدة
و نكون كلنا عضو متصل

كلامك صح يا نظير
فى ناس تدخل ترد على موضوع معين
عشان حد معين احنا محتاجين نكون ايد واحدة بجد
ويارب احاول اكون معاكم عضو متصل مش منفصل