بيقولوا هتحتاج عكاز !!!!

+++
بيقولوا هتحتاج عكاز !!!

(مهداة لقداسة البابا شنودة الثالث)

بيقولوا هتحتاج عكاز
معقولة يا ولاد؟؟
م إحنا عكازك..
يا للي لفيت البلاد
ولادك..
من سنين
مسنودين..
على عكازك..
************
عكازك
ربنا موجود
القلب مصلوب
لكن البدن مفرود
سندك
صدق الوعود
دفء القلوب
وصبر القبطى
اللى ماله حدود
************
سأل الطبيب
فين الوجع؟
قال في بلادي
والكسر فين؟
في ولادي
والحق على مين؟
مفروض على البادي..
والظلم؟
بطول الـــــوادي!
************
بيقولوا سافرت..
أمال ليه حاسيين
إنك وسطنا
بجد انكسرت؟
الكسر ده في جدار قلبنا..
وحملنا
يا حلمنا
مين يشيله معانا
وعننا..
امتى ترجع لنا..
محتاجين حضنك
يا بابانا
يضمنا..
************
سأل طبيبه
إيه الفرق بين وجع البدن
ووجع الروح؟؟
الأول يومين ويروح
والتاني؟
في القلب سكن..
اجتهد الطبيب
يمكن علاجه يصيب..
وإيه علاج
اللي دائه
الوطن..
************
لا يوم اشتكيت..
ولا انحنيت..
يمكن بكيت..
لكن لا بعت..
ولا اشتريت..
غيرك باع
وتراب الوطن ضاع
وانت واقف زي أسد الكاروز
إرجع يا عيد النيروز
يموت الوالي
ودم الشهدا
يفوز..
************

بيقولوا هتحتاج عكاز
معقولة يا ولاد؟؟
م إحنا عكازك..
يا للي لفيت البلاد
ولادك..
من سنين
مسنودين..
على عكازك..

منقوول
بقلم ياسر يوسف غبريال

اللللللللللللللللللللللللللله نظيرررررررررر

روعة بجد جميلة

ان شاء الله ولا عكاز ولا حاجه

هيرجع لنا اسد الكاروز

ميرسي ليك نظير علي الموضوع الجميل

والكلمات الي تمس القلب من

بعيد

مافيش عكاز ولا حاجه

الي خلي العمليه تنجح

هوا الي مش هيخلي

في عكااااااز

ربنا موجود

ياريت كلنا نصلي علي الدوام

ربنا يبارك فيكم

اللللللللللللللللللللللللله

قد ايه كلمات جميلة بجد نظير
بأذن المسيح الكنيسة اللى طول عمرها سنداه وبركة ربنا معاه
هتكون دايما وياه ونعيش دايما فى حماه

ربنا يبارك حياتك نظير