-اى ماسك طبيعى(زى مابيقولو الدكاتره) لو محصلش منه استفاده اكيد مش هايضر البشره لكن طبعا فى حاجات لازم ناخد بالنا منها عند استخدام الماسكات الطبيعيه وهى:
1-اى ماسك طبيعى(بنعمله ف البيت)بيكون خالى من اى كيماويات وعشان كده لازم نصبر على مفعول الماسك شويه واذا انتظمت البنت ف استخدام الماسك مرتين اسبوعيا هاتحس بمفعوله من بعد شهر الى 45 يوم.
2-قبل استخدام الماسك يجب ان يكون الوجه نظيف حتى لا تتفاعل البكتيريا الموجوده ف البشره مع مكونات الماسك عشان كده ممكن نغسل البشره باللوشن او (لو مفيش)نغسله بشامبو عشان لو استخدمنا الصابون قبل الماسك دا هايتعب البشره جدا.
3-كل الماسكات اللى فيها سوائل ياريت تكون دافئه حتى تتفتح مسام البشره وتمتص مكونات الماسك.
4-البشره العاديه والجافه تبتعد تماما عن الماسكات اللى فيها ليمون او بياض بيض لان ده بيخفف البشره جدا وعلى العكس البشره الدهنيه بتستفيد من الليمون وبياض البيض جدا.
5-عند توزيع الماسك على الوجه يكون فى حركات دائريه من الداخل للخارج ومن اسفل لاعلى لشد الوجه وحمايته من التجاعيد فيما بعد.
6- بوجه عام اى ماسك تشعرى عند وضعه بحكه او احمرار او اى شئ مؤلم قومى بازالته بماء بارد فورا.
7-يزال الماسك بماء دافئ ثم ماء فاتر وبعد ذلك يوضع ماء الورد البارد على الوجه وعدم مسحه وترك الوجه حتى يجف.
8-اى ماسك سواء كان طبيعى او غيره لابد ان يوضع بعده كريم مرطب ولكى نتجنب استخدام الكيماويات تماما نستخدم الزيوت مثل زيت الزيتون والخروع وزيت اللوز الحلو المخفف.
اتمنى نستفيد من النصايح اللى فاتت لانها مفيده جدا ومجربه.
موضوع: أ ب ماسكاااات 
الثلاثاء يوليو 01, 2008 7:26 pm
