قلبك جامد؟ ادخل بسرعة

الى كل من يرغب فى السعاده
والعيش فى تنعم وهناء
الى كل من يحلم بمستقبل افضل
وخير وفيييييير
الى كل من يريد الخير له ولاسرته
ويحلم بعش هادئ يجمع بينه وبين عائلته الخاصة
يدفئهم مشاعر الحب والهناء
الى كل هؤلاء
واللى كل من يقرأ هذا الموضوع

إنسووووووووووووووااااااااااااااا


عمر الانسان ياابنى بينقسم لاربع مراحل
متقوليش طفولة بقا ومراهقة وشباب والكلام العبيط ده
لالالالالالالالالالالا
اسمعوا بقا المراحل دى ايه:

مرحلة الدلع
مرحلة الاحباط
مرحلة الياس
والرابعة غالبا مبتجيش عشان بيسبقها فى معظم الحالات انتحار
ولو جت اسمها مرحلة الضياع فى مقابل الرضا

واليكم مزيد من التفاصيل......

مرحلة الدلع:
**********
الطفولة وصدمات المدرسة الخفيفة
وخناقات البيت والاصحاب والعبط ده
والمراهقة والكلية وهبلها

مرحلة الاحباط:
***********
اللى معظمنا فيها دلوقتى
لما تتخرج فرحان مزقطط بتتنطط
وواخد الدنيا كلها فى ايدك
وشايفها وردى
بتلمح بلمعة دهبى غامق كده
وفجاة
متلقيش شغل
متلقيش فلوس
متلقيش عروسة
ولا عريس
ولو لقيت متلقيش شقة
ولو لقيت شقة متعرفش تجهزها
يجيلك طبعا احباط
لما تبقا شهادتك العظيييييييمة
مش عارف تشتغل بيها بياع فول وطعمية
يجيلك احباط
لما البت اللى بقالك سبع سنين بتحبها
مش عارف تخطبها حتى بدبلتين
يجيلك احباط
لما تلاقى كل الابواب اتسدت فى وشك
الا باب اوضة نومك
تدخل وتنام فى العسل وتاكل رز ومحشى مع الملايكة
(ملحوظة الملايكة مبتكلش رز بلبن عشان صايمين بيضحكوا عليكو يا خايبين)
دى مرحلة الاحباط

اما
مرحلة الياس:
**********
ودى بتوصللها بعد 10 سنين من الاحباط المكثف
بتكون يئست من انك تدور على شغل
واتخانقت مع البت بتاعتك بعد 17 سنة حب
وسبتها
وصرفت نظر عن الجواز اساسا
ويااما تقعد على قهوة لو بتاخد مصروف من باباك
يااما تتحنط فى بيتك لحد ما تنتقل للمرحلة اللى بعدها


المرحلة الرابعة
مرحلة الضياع او الرضا:
*****************
يا إما الضياع:: فى حالة من الحالات الاتية:
ادمان
مخدرات
خمور
سرقة
سجن
قتل ماسبق الإصرار والترصد
اعدام
انتحار
والجحيم بعد كده طبعا

يااما تتحول المرحلة لمرحلة رضا::
انك بعد الاحباط والياس
تقول انا راضى وخلاص بقا
وتقعد تساعد ماما فى تقطيف الملوخية
وتبقى تنزل مع اصحابك تتمشوا شوية
تفضلوا تتمشوا تتمشوا
لنهاية طريق الحياااااااااااااه
بلا هدف
ولا مأوى
ولا عمل
ولا مال
وطبعا بعد كل ده .. ولا صحة
وفى الاخر تموتوا برضه

بس
هو ده عمر الانسان العصرى


تكملة للى جاله احباط (اختيارى)
************************

بهزر على فكره دى الحياه بنفسجى خالص
قصدى وردى
اتخرجنا كلنا بتقدير امتياز
وقبل مانروح بالشهاده بيتنا
لقينا مدير شركة كبيرة مستنينا بيشرب الشاى مع دادى (بابا)
وبيقول سمعت انه اخد الشهاده النهارده
ارجوك خليه يشتغل عندنا بالمرتب اللى يختاره
وطبعا تتشرط انت عليه وتدلع وتقوله افكر
عشان تاخد فلوس زيادة يا لئيم

وفى الاخر يقوم ميرضاش بيك ويزهق منك ويسيبك ويمشى
ويجيلك احباط وياس وتموت برضه طبعا لان كل ده كذب وانسوووووووووووواااااااااا