انا لسة مشتركة جديد فى المنتدى هنا و اسمحولى اشارك معاكو بالموضوع دة واشوف ردودكو
كلنا اكيد مرانا بتجارب حب او سمعنا عن ناس مرة بتجارب حب و فى كانت تجارب فاشلة و فى كانت تجارب ناجحة .
و احنا بقى عايزين نعرف لية بتبقى فية تجارب فاشلة فى الحب .
واية هو الحب الحقيقى الى بيستمر ؟؟؟
فاول حاجة عايزة كل واحد يدخل يقول اية معنى الحب فى نظرة ؟؟
بس مش عايزين كلام شعارات والحب هو تضحية و بزل والكلام دة ... انا عايزة اعرف رائيكو بجد ..ازاى واحد يعرف انة بيحب حب حقيقى ؟؟
وبعد ما تخلصة النقطة دية فية كذا حاجة عايزين نتناقش فيها ...
اولا :
اية الفرق بين الحب و التعلق ؟؟؟
كتير اوى بنتعلق بشخص من الجنس الاخر و بنفتكر اننا بنحبة ...
ممكن اتعلق بواحد لانى اتعودت اتكلم معاة او اتعودت اشوفة ... او ممكن اتعلق بواحد بسبب انة طريقتة فى الكلام معايا حلوة .
عايزة كل وحد بقى يقولى فى وجهة نظرة اية الفرق بين التعلق والحب الحقيقى ؟؟
ثانيا :
اوقات بنحب ناس بسبب انهم هما بيحبونة ... او لما نحس باهتمام من شخص فاحنا كمان نهتم بية ..
واوقات فعلا بيقلب بحب حقيقى .. ولكن اوقات مابيقباش حب بجد لكن بيبقى مجرد تعلق لان هو متعلق بية .
فانا عايزة كل واحد يقولى بردة وجهة نظرة فى ازاى تعرف انك بتحب الانسان الى بيحبك دة بجد ؟؟ ولا انت مجرد متعلق بية ؟
ثالثا
الحب والعطف
ممكن انتى تنجذبى ناحيه واحد على سبيل العطف صعبان عليكى يعنى ممكن تلاقيه منطوى وبعيد عن زمايله شويه فا انتى تحاولى تقربى منه علشان متتحسسهوش ان هو اقل من زمايله وممكن تحبيه وتتعلقى بيه .هل ده يعتبر حب بجد؟؟؟؟؟؟؟ولا ازاى تعرفى ان هو حب ولا عطف ؟؟؟؟؟؟؟وهل ده ممكن يكمل كحب حقيقى؟؟؟؟ انا بتكلم بصيغه المؤنث بس كلام للناس كلها يعنى ولد او بنت
رابعا
الحب والاعجاب
ممكن تشوفى ولد وتعجبى بيه وبشخصيته وتعيشى الدور وممكن تعلقى نفسك بيه وممكن هو كمان ميكنش حاسس بيكى هل ده نقدر نسميه حببببببببب ؟؟؟؟؟ولا الحب يبدء بالاعجاب ؟؟؟؟؟؟وممكن نتخلص من الاعجاب ده ازاى اللى مش هيجيب نتيجه من طرف واحد ؟؟؟؟؟وهل احنا مش من حقنا اننا نعجب بحد؟
ياريت الكل يدخل يشارك واعرف ارائكو .
ركن الاجتماعيات والشبابيات
موضوع: الفرق بين الحب و ..... ؟ 
الأربعاء أكتوبر 15, 2008 1:23 am
