لو مضايق او زعلان ادخل هنا

واحد مسطول دماغه لفت قابلها من الناحية التانية
_____
واحد بيحلق دقنه التليفون رن، عور نفسه عشان لما يرجع يعرف هو وقف لحد فين
_____
واحد بلدياتنا حب يشرب سيجارة حطها ف كباية
_____
واحد بيسأل صاحبه هو أيه الفرق بين تجارة الحشيش وتجارة عين شمس؟
قام صاحبه قال تجارة عين شمس 4 سنين انما تجارة الحشيش أقلها 25 سنة.
_____
مسطول مزور ورقة بنكنوت انما 10/10 مع ذلك مسكوه ياترى ليه؟
عشان كان مزور ورقة بستين جنيه
_____
واحد كريم اتحرق بيته، لما جت المطافي حلف عليهم ما يعملوا حاجه لحد ما يشربوا الشاي
_____
مره واحد ابنه طلع من الاوائل شفروه
_____
تلميذ لزميله: هيَّ الهند بعيدة؟
الزميل : لا .. لا مأظنش أبداً .. أصل معانا ف الفصل تلميذ هندي بييجي المدرسة كل يوم الصبح مشي!
_____
كان في واحد شكله وحش قوي قوي قوي عايز يتجوزفراح واتقدم لواحده فبقول لابوها :انا يا عمي بلا فخر عملت نفسي بنفسي
قاله: ما انا برده بقول استحاله تكون خلقه ربنا

مرة واحد انجليزى و واحد فرنساوى و واحد صينى راحو يجربو صدى الصوت

الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه
========================
واحدة رايحه تخطب لابنها، سألتها ام العروسة

المحروس ابنك بيدخن ؟ قالت ... .والله ما أظنش بس يمكن لما بيكون محشش بس ساعات بيدخن
==========================
مرة واحدة بترغى فى التليفون بالساعات فمرة اتكلمت ساعة واحدة بس فجوزها قالها

خلصتى بسرعة لية قالتلة اصل النمرة طلعت غلط
==================================
واحد صعيدي سمع عن

الموبايل قال لأبوه عايزك تشتريلي موبايل يابوي..
أشتريلك بشرط .. انك تركب اخواتك معاك
=================================
مرة واحد بلديات بيقول لواحد

تاني و هو بيجري عليه بسرعة:الحق اخوك عواد غرقان في دمه ، آم اخينا ده قاله ماتخافش ما هو بيعرف يعوم

=================================
فضولي شاف حادث قالهم وسعوا أنا أبو الضحية ولما وسعوله طلع الضحية حمــــــــار
====================
مرة واحد أعمى وواحد عبيط حبوا يفتحوا مشروع

فلافل فالأعمى بيرمى الفلافل بره الطاسة والعبيط يقول تييييش
ــــــــــــــــــــــــــــــــــــــــــــــــــــــــــــــــــــــــــــــــــــــــ
في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف

التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه

التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب

التلميذ: انت اللي متعرفش ابويا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟

قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟

قاله لسه ما جاش. وبعد ساعة أخرى رجع له تانى وسأله اللواء "فريد" جه؟

قال له لسه ما جاش. وبعد ساعة جه اللواء "فريد"
قاله العسكرى : أنت فين الشاويش "محمد" حيخرب بيتك.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد عصبي اتجوز واحده عصبيه, يوم الولاده... الولد بيقول للدكتور وسع إنت ..
ابعد ...أنا خأنزل لوحدي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها
نقطة تصير اسم عالم ذرة

أم التاني قله أنا غلب حماري

آم الأول قله: الدولة هي قطر ولما تحط نقطة حتصير قطز

أم التاني قاله هو قطز عالم ذرة؟؟؟؟؟

فرد عليه الأول يعني هي قطر دولة أوروبية؟؟؟؟

--------------------------------------------------------------

مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا
عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى
و طلعت عينه فقرر يشتكى لابو الولد. لما ابو الولد جه حكى له الحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اتنين مساطيل اعدين يحششو في المقابر ومرت جنازة فواحد بيقول للتاني هي جنازة
مين دي يا محمد؟ فرد علية دي جنازة الشيخ محروس فقال الاولاني يا حول الله
وتاني يوم وهما اعدين في نفس المكان مرت جنازة فنفس الشخص سال بيقول للتاني هي
جنازة مين دي يا محمد؟ فرد عليه دي جنازة الشيخ محروس فقال الاولاني يا حول
الله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي
جنازة مين دي يا محمد؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية

--------------------------------------------------------------
البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قابلت مذيعة اثنان مساطيل
سالت الاول : مصر بالنسبالك ايه ؟
فقال: مصر دى امى.
ثم سالت الثانى :وانت مصر بالنسبالك ايه؟
قال:مأدرش اتكلم عن أم واحد صحبى

--------------------------------------------------------------
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية
ميه رميته بيها الاسد طلع يجرى رد عليه واحد من اللى قاعدين قاله صح انا قابلت
نفس الاسد ضربته بالقلم ايدى اتبلت

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مره واحد بيقول لواحد صاحبه اسكت مش انا حماتى ماتت امبارح قاله لا حول الله يا
رب ماتت ازاى الست دى

قاله وانا واقف معاها فى البلكونه وقعت من الدور الخامس
قاله لا حول الله يا رب دى موته وحشه قوى

قاله لا ماهى ماوقعتش على الارض قاله
امال ماتت ازاى قاله وقعت على سلك الكهرباء

قاله يا ساتر يارب دى موته وحشه قوى ماتت من الكهرباء طبعا

قاله لا يا عم ماهى الكهرباء كانت مقطوعه

قاله امال ماتت ازاى بس

قاله اصل السلك نطرها فى حمام السباحه

قاله لا اله الا الله ماتت غرقانه

قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى

قاله امال انت بتقول ماتت ازاى

قاله اصلى لما زهقت قمت خانقها بس بقه يا عم

-----------------------------------------------------مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن
وتعرف ايه اللي جوه الدولاب.

وفي يوم راح الشغل ونسي المفتاح.

مراته فتحت الدولاب لقت 20 الف جنيه وبيضتين.

لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب

الست قالت عشرين سنه جواز ومرتين بس مش مهم وسالته طب والعشرين الف جنيه

قالها كنت كل ماجمع كرتونه ابيعها
----------------------------------------------------واحد ضابط مظلات امه حلمها ما بيخيبش. كان عنده عرض أمام الوزير ...قالتله بلاش
تنط عشان أنا حلمت ان البراشوت مش هيفتح. المهم جه ينط ... خاف وافتكر فزميله
سأله أيه الحكاية؟؟ فلما قاله رد عليه زميله ...ولا يهمك خذ البراشوت بتاعي
وهات البراشوت بتاعك. نط صاحبنا وفتح البراشوات .أتفتح معاه شوية ولقى زميله
نارل بسرعة وبيصرخ .
الله يخرب بيت أمـــــــــــــــك
-----------------------------------------------------

قردين واحد حظه حلو و التانى حظه وحش قاعدين مع بعض فى الغابه وجعانين أوى
فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد
تعالى نروح ناكل منها قاله ماشى..لما وصلوا فاللى حظه حلو قال للى حظه وحش
استنا انت هنا انا هاطلع اهزلك الشجره من فوق وانت لم الموز ماشى ,ماشى و طلع
هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه
راح ماسكه رازعه حتة علقه وهربوا ,,جم تانى يوم هايموتوا من الجوع قالوا
مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول
موزه جه صاحب المزرعه راح ماسكه مبهدله وهربوا جه تالت يوم قاعين موحوحين قالوا
ياروح مابعدك روح راحوا عالشجره فالمره دى اللى حظه وحش قال للى حظه حلو استنا
انت هنا النهارده وانا هاطلع فوق ماشى,ماشى وطلع فعلا وجه صاحب المزرعة هو
وابنه فابنه مسك اللى حظه حلو فابوه قاله لأ سيبه دانا ضربه يومين ورا بعض
هاتلى ابن اللذين اللى فوق ده................

----------------------------------------------------- قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي
الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى
فارسلت لهم الاوقاف شيخا آخر وحذرته من الاطالة.
وصل الامام الجديد فدخل المسجد وصعد المنبر وحيّا المصلين وسأل:
اتعرفون قصة سيدنا يوسف عليه السلام؟
فرد المصلون كلهم: نعم .
فنظر الامام الى المؤذن وقال: اقم الصلاة.
ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟
فرد المصلون : نعم.
فقال لهم : ماتجوش الجمعة الجايـــة

-------------------------------------------------------اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب
ده في اد ايه ؟
التاني : الفهولك في سجارتين

ههههههههههههههههههه

جميلة جداااااا جداااااااااااا

ربنا يبارك حياتك يابابا

اشكرك جدا ياميرا
ربنا يخليكى

ه
هه
ههه
هههه
ههههه
ههههههههه
هههههههههههه
هههههههههههههههه
ههههههههههههههههههه

» ادخل مش هاتندم
» ادخل واضحك
» ادخل اتسلى وفكر
» ادخل واضحك
» ادخل ومش هتندم