موضوع: نشكر ربنا (مهم) الأحد أكتوبر 07, 2007 3:15 am
نشكر ربنا
عمرك مرة سالت نفسك أنت عايز ايه من الدنيا ........... نفسك في ايه؟ الشباب عايز يشتغل مثلا وبعد ما تشتغل بتستفاد ايه مشاكلك بتزيد وتقول يا ريتنى ما اشتغلت الشغل ما يكفيش مواصلات طب افرض انك رحت شغل اكبر واكبر واكبر برضو مش ها تبقى راضى عن نفسك وعن حياتك طب ليه ؟ كل ما بتزيد شغلك بتزيد مشاكلك معاها ومش بتعرف تنام الليل تبقى خايف لحسن يضيع الشغل ولا ما تعرفش تحل المشاكل إلى مش بتخلص ومش ها تخلص وغالبا بيطلعو عينك وتسيب الشغل ..... أنت عارف لو اى حد فينا صحي في يوم وما لقيش عنده مشكلة ... تبقى برضو مشكلة لأنه ها يدور على مشكلة اصل إحنا أتعودنا على كده والصراحة الدنيا ما يبقاش ليها طعم من غير المشاكل هيا الدنيا ايه غير شوية مشاكل ورا بعض يتخللها شوية حلول للمشاكل دي ..... المهم .... افرض يا سيدي انك قلت أنا مش عايز اشتغل (أتجننت يعنى ) ده لو كان عندك شغل أساسا في الزمن ده أو انك اصلاا عاطل بالوراثة عادى جدا .... مش ها تبقى مرتاح برضو ها تقول فين أيام الشغل اهو كنت بتعب بس على الأقل بلاقى فلوس وبشغل نفسي بدل الزهق إلى أنا فيه ولا بدل ما أنا بشحت الفلوس من أبويا .......... طب الإنسان يعمل أية الواحد لما يفكر فيها يلاقى كده تعبان وكده تعبان اكتر يعمل ايه يتجنن اكتر ما هو متجنن ولا يطنش ... يطنش حل كويس بس إلى مش بيعرف يطنش يعمل ايه؟ ....ولا حاجة يطنش انه مش بيعرف يطنش ..... عارفين ايه هيا مشكلتنا بجد إن إحنا طول عمرنا مش بنشكر ربنا ونحمده على اقل حاجة بيدها لنا لو اى حد عمل كده ب إيمان بجد ها يستريح جامد لكن ده مش بيحصل الواحد بيكون مش لاقى حاجة ويتمنى ولو حاجة بسيطة ولما بتيجى بيطمع في اكتر من كده وهكذا ... المهم .... المشكلة لو الواحد فكر إن ربنا مديلو حجات اكتر من ما هو عايز بكتير بمعنى... انه لو بص حوليه ها يشكر ربنا من غير اى حاجة لو بص للناس إلى عندها أمراض ونفسها بجد تنام ولو ليلة واحدة من غير الم ومستعدة تدفع كل ما تملك عشان ده لكن ربنا مش ب يسمح بكده ..... لو بص للناس إلى عندها عاهات في جسمها ومش ب تقدر حتى تمشى ولا تتحرك ها يشكر ربنا بجد حتى لو بص للناس إلى معاها فلوس كتير وغنية جدا بس برضو مش ب تبقى مرتاحة ونفسها برضو يجى عليها يوم وتنام مرتاحة لكن ده ما بيحصلش الإنسان لو حس بكده بجد ها يشكر ربنا طول عمره ومش ها يكفى برضه ...... لكن الإنسان دايما بيبص لفوق ودا يما بتنكسر رقبته وعمره ما بص تحت رجليه يا عيني عليك يا إنسان ما حصلتش حتى الحيوان .
القصص و العبر
موضوع: نشكر ربنا (مهم) 
الأحد أكتوبر 07, 2007 3:15 am
