ايهما اهم فى حياتك كرامتك ام قلبك؟ دعوة للنقاش

لكل منّا كرامة وفي نفس الوقت له قلب فأي منهم أهم بحياتك

(قلبك) أم (كرامتك)

هل من المعقول أن نستغنى عن قلوبنا

للإحتفاظ بكرامتنا في سبيل ذلك

لماذا يبيع الصديق صديقه .. والحبيب حبيبته وغيرهم

وكل شخص أكيد صار له موقف من الحياة

سواءاً مع صديق أو حبيب أو زوج .. هذه هي الحياة ؟

!..! لم نجد سبباً لذلك !..!

صحيح أنه لابد أن تكون كرامة النفس فوق كل إعتبار

ولكن لماذا ولدت التضحية إذا كانت كرامة النفس هي المنتصره غالبـاً

أم هي مجرد كلمات نؤيد مضمونها ولكن بدون العمل بها

لنقف لحظة على بعض الجمل

هي موجودة في حياتنا ودائماً نرددها في موقف معين

لا ..

وإنما في حدث

خـــــــــــداع

خيـــــانـــــة

كــراهــيـــة

كــــــــــذب

ضـــعــــــف

هــزيــمــــة

!..! قــالــــــــــوا !..!

( من باعنا بعناه )

( إللي هواك إهواه .. وإللي نساك إنساه )

( الذي لا يعتبرك ربحاً .. لا تعتبره خسارة )

( الصديق وقت الضيق )

..::.. فكـــروا قليــــلاً ..::..

هل نستطيع حقاً تطبيق ذلك

فعندما نلتقي بصديقٍ مثلاً .. نثق به .. ونبوح له بمشاكلنا

ثم مع مرور الأيام نكتشف أنه لا يحبنا .. ولا يعتبرنا إلا خيال

في غيابه نسأل عنه .. وإن غبنا لا يسأل عنا

هل حقا نتخلى عنه .. لا أدري ..!

ايهما اهم كرامتك ام قلبك؟

ياريت الكل يشارك و يقول راية

القلب اهم حاجة , حتى لو حساب كرامة البنى ادم

موضوع بجد ممتاز فيبى

بس كل واحد حسب الظروف اللى بيقارن فيها بين كرامته وقلبه

هو الاهم القلب طبعا

علشان بيضخ الدم

ههههههههههههههه

بس فى مواقف كتيره جدا لازم الانسان ميتنزلش عن كرامته فيها

ميرسى فيبى على موضوعاتك الجميله الرائعه

سلام ونعمة
انا شايفه من كلامكم انه في نظرة تشاؤوميه شويه . انا معاكم اني في خيانه و غدر و كراهيه بس برضو في حب صادق و امانه و امان تحسه مع صديقك او مع من تحب انتوا ممكن تقولوا ان ده كلام محفوظ و دايما يتقال لكن صدقوني الموضوع كله ببساطه محتاج شوية فهم للشخص اللي قدامك ان فهمت الشخص صح اكيد هاتعرف ان كان يستحق حبك او صداقتك ولا لا و لو انت لقيته يستاهل فعلا حبك او صداقتك مافتكرش انه هايتغير لوحده كده و يخون او يغدر لكن ان حصل و غدر هايكون حاجه من الاتنين اما انك تكون انت اللي اتغيرت من غير ما تحس او نرجع و نقول انك حكمت عليه غلط من البدايه.
اما عن موضوع الكرامة في الحب انا من رايي انه مهم جدا اني الواحد يحافظ على كرامته لكن الاهم انه يحافظ على الشخص اللي بيحبه و خاصة لو كان يستاهل لاني الحب الحقيقي نادر جدا في الزمن ده .

بجد فيبى انتى عسل

وكلامك يدرس

الحب الحقيقى مش نادر

بس الناس اللى بيعرفوا يحبوا صح

هما اللى بقيوا نادرين

موضوع رائع فيرينا

ورأى

لازم يكون فى تسامح والحب اللى موجود بينا هو اللى هايخلينا نقدر نسامح

بس مش معنى كده انى عشان حبى اضيع كرامتى خالص
لان عشان يكون علاقة الحب دى ناجحه سواء بين حبيبن او صديقين لازم يكون بينهم
احترام ويحافظوا على كرامة بعض

وعلى حسب الموقف نفسه هايحدد اذا كان يكون فى تسامح ولا الكرامه لازم تاخد وقفه

وميرسى ليكى كتير

Laughing

انا رائى ان احسن حاجه هى التسامح ولى بيحب بجدلازم يسامح ويتنازل شويه ومافيش مثال اروع من رب المجد يسوع لما نزل من عرش النعمه علشان يتهان ويتصلب علشنا في حب اكبر من كده ليه مسالش عن كرامه وهو خلاق الكون ورب المجد

موضوع رائع وجميل وفعلا مفيش احسن من الحب الحقيقى فعلا ويارب يجعل فى قلوبكم الحب للحبيب والعدو وكل الناس اللى حواليكم ويباركم لانه الحب ده اعظم عمل الهى فى الانسان الرب يبارك حياتك ويعوضك محبتك ويبارك خدمتك ومشاركاتك امين

ايهما اهم فى حياتك كرامتك ام قلبك؟ دعوة للنقاش 1113ci1

ميرسى ليكى فيريناااااااااااااااااااا. مشاركاتك دائما فوق الروعه.الكرامه والقلب الاتنين مش نقدر نستغنى عنهم . بس الحب اللى مش يحفظ كرامه الطرفين مش يبقى حب. ليه انا بقول كده. انا بحب حبيبى اوى ع سبيل المثال حبيبى دة انااااااااااا ازاى هدوس ع كرامته مدام هو انا. ولو اخدنا الموضوع دة على الصداقه بيبقى مختلف شويه لانه حب مختلف ومدام مختلف يبقى حته الكرامه بردو هتختلف. القلب والكرامه وجهان لعمله واحده. ما احنا نقصد بالقلب المشاعر والكرامه عباره عن umbrella بيندرج تحتها حفظ المشاعر بوجه عام.

انا من رايى ده بيتوقف على اتنين
الموقف اللى احنا فيه
والشخص اللى احنا بنتعامل معاه
وعلى اساس الاتنين دول بتترتب الاولوية
للقلب او الكرامة
ولو فى صدق وحب بجد
يبقى القلب طبعا
بس الكرامة مطلوبة برده
موضوع جميل بجد

» قالوا عن المرأة (من غير زعل يا بنات ) وانا مليش دعوة
» بكاء الرجل"للنقاش
» موضوع مهم للنقاش\ هل التدخين خطيئة سؤال للجميع
» موضوع مهم للنقاش\ هل السحر والحسد حقيقة ام خيال
» موضوع مهم للنقاش\ هل الغضب وعدم السيطرة علي النفس خطية